اسىرە ءدىنشىل ازامات ءوز قىزىن ۇرىپ ءولتىردى
كەشكى اس كەزىندە قىزدىڭ باسىنان ورامالى بايقاۋسىزدا سۋسىپ تۇسكەندە اكەسى قىزىن جۇدىرىقتىڭ استىنا العان، دەپ حابارلايدى Bnews.kz.
«شاريعاتتىڭ تالاپتارىن ورىنداماي، مودا قۋىپ، باسىڭداعى ورامالىڭدى شەشتىڭ» - دەپ قىزىن جەرگە الىپ ۇرىپ، باسىن بىرنەشە رەت ەدەنگە سوققاندا قىز ەستەن تانعان. اراشا تۇسكەن ايەلىن دە توبەلەي جونەلگەن.
قىزىن ءولتىرىپ العانىن بىلگەن سوڭ ەشكىمگە ءتىس جارماي، ايەلىنە ءمايىتتى ۇيدە كومە سالۋدى بۇيىرادى. الايدا، باۋىر ەتى بالاسىنان ايرىلعان انا كۇيەۋىنىڭ ايۋانعا ءتان ىسىنە كۇيىنىپ، قۇقىق قورعاۋ ورگاندارىنا حابار بەرگەن، دەپ جازادى vesti.ru باسىلىمى.
پوليتسەيلەر قىلمىسكەردى تۇتقىنعا الىپ، قىزدىڭ دەنەسىن ساراپتاما جاساۋعا الىپ كەتكەن.
كورشىلەرى قىلمىسكەردىڭ بۇعان دەيىن دە راديكالدى يسلام باعىتىن ۇستانىپ، كوزگە ءتۇسىپ جۇرگەنىن، پسيحيكالىق اۋرۋعا شالدىققانىن، اسىرە ءدىنشىل بولىپ العانىن ايتادى.
