اسكەرگە كۇزگى شاقىرىلىمنىڭ جونەلتۋى جاقىندا باستالادى - قورعانىس مينيسترلىگى

الدىن الا شاقىرىلعاندار 19- قازاننان باستاپ، قازاقستان قارۋلى كۇشتەرىنىڭ اسكەري بولىمدەرىنە جونەلتىلەدى، دەپ حابارلادى ق ر قورعانىس مينيسترلىگىنىڭ باسپا ءسوز قىزمەتىنەن.

قازىر قارۋلى كۇشتەرى، ۇ ق ك شەكارا قىزمەتى جانە قازاقستان رەسپۋبليكاسى مەملەكەتتىك كۇزەت قىزمەتىنىڭ بولىمدەرى ءۇشىن اسكەري كوماندالاردى الدىن الا قالىپتاستىرۋ بويىنشا جۇمىس جۇرگىزىلۋدە.

اسكەري بولىمدەردى جاساقتاۋ ەكس-اۋماقتىق جانە اۋماقتىق قاعيداتتار بويىنشا جۇزەگە اسىرىلادى. ءبولۋ كەزىندە شاقىرىلۋعا دەيىنگى بولاشاق ساربازداردىڭ العان ماماندىقتارى، دەنە جانە مورالدىق-پسيحولوگيالىق دايىندىعى ەسكەرىلەدى.

1- قازاندا ەلىمىزدە كۇزگى شاقىرۋ كامپانياسى باستالعانىن ەستەرىڭىزگە سالا كەتەيىك. اۋداندىق جانە وبلىستىق كوميسسيا شاقىرىلۋشىلاردى مەديتسينالىق كۋالاندىرۋدى، جەكە ىستەردى زەردەلەۋدى جۇزەگە اسىرادى، اتا-انالارىمەن تۇسىندىرمە جۇمىس جۇرگىزەدى.

وسى كۇزدە مەرزىمدى اسكەري قىزمەتكە كەيىنگە قالدىرىلۋعا نەمەسە شاقىرىلۋدان بوساتىلۋعا قۇقىعى جوق 18 بەن 27 جاس ارالىعىنداعى 12 مىڭنان اسا قازاقستاندىقتى جولداۋ جوسپارلانۋدا. ولاردىڭ 4000 عا جۋىعى قارۋلى كۇشتەردىڭ بولىمدەرىندە قىزمەت ەتەتىن بولادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى