الماتىلىقتار تۇلكى مەن قۇندىزدى ولتىرۋگە قارسى شەرۋگە شىقتى

«جانۋارلار كيىم ەمەس» دەپ ۇرانداعان بەلسەندىلەر ماسەلەگە جۇرتتىڭ نازارىن وسىلاي اۋدارماق بولدى.

الماتى ەلىمىزدە اڭ تەرىسىنە بولا جانۋارلاردى ولتىرۋگە قارسى شىعىپ، حالىقارالىق اكسيانى قولداعان العاشقى قالا. وسىلايشا قازاقستان، رەسەي، ۋكراينا مەن بەلارۋستىڭ 60 تان استام قالاسى تۇلكى، قويان جانە قۇندىز تەرىسىن ءسان رەتىندە كيەتىن ادامدارعا ۇندەۋ تاستادى. قازىر تەرىدەن تىگىلگەن كيىم ساننەن قالىپ، قاتىگەزدىكتىڭ نىشانىنا اينالعان دەيدى بەلسەندىلەر.

ال ايازدى كۇنى توڭىپ قالامىن دەگەندەرگە، جىلى ءجۇرۋدىڭ وزگە جولى كورسەتتى. وندا قالىڭ كيىمدەردىڭ ءىشى تابيعي ماتەريالدان قالىسپايتىن فيبروتالشىق پەن حوللوفايبەرمەن تولتىرىلعان. كوپشىلىكتىڭ تەرىدەن مۇلدەم باس تارتۋى ءۇشىن تەرى ءوندىرىسىنىڭ اشى شىندىعى كورسەتىلگەن سۋرەتتەر دە جاريا ەتىلدى.

نۇربەك ابىشەۆ، شارانى ۇيىمداستىرۋشى:

 -  قازىرگى تاڭدا كوپ التەرناتيۆالار بار. ول قاراپايىم تەكستيلدەن جاسالعان ارزان، گيپواللەرگەندى دەسە دە بولادى. ەكولوگيالىق تازا، جىلى سول سەبەپتى قۇندىز جانە باسقا دا سۇيكىمدى جانۋارلاردى ولاردىڭ تەرىسىنە بولا ولتىرۋگە بولمايدى.

ktk.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى