قازاقستان تەلەارناسىندا جاڭا حيكايالاردىڭ تۇساۋكەسەرى وتەدى - فوتو
بۇل تۋرالى «قازاقستان» ر ت ر ك» ا ق باسپا ءسوز قىزمەتى حابارلادى.
ءوز ءوندىرىسىنىڭ كونتەنتىن ساپالى وزگەرتۋ مەن جوعارىلاتۋعا بايلانىستى «قازاقستان» تەلەارناسى مەكتەپ وقۋشىسىنان باستاپ، ەڭكەيگەن كارىگە دەيىن جانعا جايلى باعدارلامانى ۇسىنا ءبىلدى.
تەلەەفيردەن بەرىلەتىن شەتەلدىك ءوندىرىستىڭ حيكايالارى قىسقارتىلىپ، ەسەسىنە وتاندىق تەلەحيكايالاردىڭ سانى ارتتى. وتاندىق تەلەحابار تاراتۋ ارنالارىنىڭ ىشىندە ۇلتتىق ارنا ءوزىنىڭ نەگىزگى جوبالارىن ورىس ءتىلدى جۇگىرتپە جولدارمەن (قوعامدىق ماڭىزدى باعدارلامالاردى، حيكايا ءوندىرىسىن جانە دەرەكتى فيلمدەردى) ءبىرىنشى بولىپ بەرە باستادى.
جاڭا ماۋسىمدا تەلەارنا «جارىق»، «جاڭا قونىس»، «ءبىزدىڭ اعاي»، «تاڭداۋ»، «شىرعالاڭ»، «جامبىل» جانە تاعى باسقا ءبىرقاتار ءوز ءوندىرىسىنىڭ حيكايالارىن تەلەكورەرمەندەرگە ۇسىنادى.
«قازاقستان» ر ت ر ك» ا ق باسقارما ءتورايىمى نۇرجان مۇحامەدجانوۆا ءوز تەلەحيكايالارىنىڭ ءوندىرىسى تۋرالى بىلاي دەيدى: «قازاقستاندىق كورەرمەن اتا تاريحىن، مادەنيەتىن، سالت- ءداستۇرىن بارىنشا بىلۋگە قۇشتار. ونىڭ ۇستىنە تەلەەكراننان ءوز زامانداستارىن، بۇگىنگى ءومىردى كورگىسى كەلەدى. وسى ورايدا، ءبىز كورەرمەندەردىڭ سۇرانىسىن بارىنشا تەز، ءارى ساپالى قاناعاتتاندىرۋعا تىرىسامىز. وتاندىق حيكايانىڭ ساپاسىن جاڭا دەڭگەيگە كوتەرۋ قولىمىزدان كەلدى دەگەن ويدامىن. ءبىز يدەيانى، سينوپسيستى، سەناريدى ازىرلەيمىز. ءتۇسىرىلىم ۇدەرىسىن، مونتاجدى باقىلاپ، تۇسىرىلگەن ماتەريالدى الدىن الا قاراپ شىعامىز. حيكايالارىمىزدىڭ باستى كەيىپكەرلەرى مۇعالىم («ۇستاز» )، پوليتسيا قىزمەتكەرى («اۋىل ساقشىسى» )، دارىگەر («جەدەل جاردەم» )... وسى حيكايالار ارقىلى مەديتسينا، ءبىلىم سالاسىنداعى، شاعىن جانە ورتا بيزنەستەگى جاعدايدى، قالا مەن اۋىل، اكە مەن بالا اراسىنداعى جانە ەڭ ماڭىزدى بولىپ تابىلاتىن ادامدار اراسىنداعى قارىم-قاتىناس ماسەلەلەرىن كوتەرەمىز. ءبىز بۇل جەتىستىككە جەتۋ ءۇشىن كوپ ەڭبەكتەندىك. «قازاقستان» ر ت ر ك» ا ق تاپسىرىسى بويىنشا بيىل 12 حيكايا تۇسىرىلۋدە، بۇل 217 سەريا. قىزىقتى دا، شىتىرمان وقيعالارعا تولى جاڭا حيكايالاردى جۋىق ارادا نازارلارىڭىزعا ۇسىناتىن بولامىز!».
«قازاقستان» تەلەارناسىنداعى جاڭا ماۋسىم «جارىق» حيكاياسىنىڭ تۇساۋكەسەرىمەن باستالدى. بۇل «جوعارى كەرنەۋ ايماعىندا» - مويناق گەس جانىنداعى وقيعالارمەن بايلانىستى وتباسىلىق وقيعا. حيكايا قازاقستاندىق تابيعاتتىڭ جاۋھارلارى شارىن وزەنىن، شارىن شاتقالىن كورسەتۋمەن ەرەكشەلەنەدى. كۇزدىڭ سوڭىنا دەيىن كورەرمەندەرگە جاڭا ءۇش حيكايا ۇسىنىلادى، ولار: «جاڭا قونىس»، «ءبىزدىڭ اعاي» جانە «تاڭداۋ».
«جاڭا قونىس» حيكاياسى ەفيرگە 10 -قازان كۇنى شىعادى. سيۋجەتتىڭ نەگىزى زاماناۋي تەندەنسيادا قازاقستاندىق قوعامنىڭ قارقىندى دامۋى، اۋىل جاستارىنىڭ قالا ومىرىنە بەيىمدەلۋى.
باستى كەيىپكەرلەر قالانىڭ قاق ورتاسىندا پاتەر جالدايتىن وتباسى. بۇل جاعداي كوپشىلىك تۇرعىندارعا تانىس. ءوز پاتەرىنە قول جەتكىزەم دەگەن اسقاق ارمانعا جەتۋ جولىندا حيكايا كەيىپكەرلەرى قىزىقتى دا، كۇردەلى جاعدايلاردى باستان كەشەدى. الايدا، بۇل جوبا ارقىلى ءبىز تۋعان جەرگە دەگەن ماحابباتتى، اۋىلدى تۇرلەندىرۋ، گۇلدەندىرۋ ماسەلەلەرىن كوتەرەمىز.
12 -قازان كۇنى ء«بىزدىڭ اعاي» حيكاياسىنىڭ تۇساۋكەسەرى وتەدى. كومەديا جانرىندا تۇسىرىلگەن حيكايا زەينەتكەرلىككە شىعىپ، تانىمال بلوگەر جانە جاستاردىڭ تالىمگەرى اتانعان اۋىل اقساقالىنىڭ قىزىقتى وقيعالارىن پاش ەتەدى.
كۇزگى ماۋسىمنىڭ باستى پرەمەرالارىنىڭ ءبىرى - «تاڭداۋ» حيكاياسى. تەلەحيكايانىڭ درامالىق سيۋجەتىندە، ەڭ الدىمەن، قازاقستاندىقتاردىڭ زياتكەرلىك ۇلت ەكەنى كورسەتىلەدى. حيكايادا ناعىز دوستىق پەن وتانسۇيگىشتىكتىڭ ۇلگىسىن كورسەتكەن ءتورت دوستىڭ تاعدىرى سيپاتتالادى. شەتەلدەن تۇسكەن كوپتەگەن ۇسىنىستارعا قاراماي، ولار ءوز ەلىنىڭ دامۋىنا، كوركەيۋىنە ۇلەس قوسۋعا بەل بۋادى. كوپتەگەن قيىنشىلىقتارعا تاپ بولعان دوستار، مەملەكەتتەن قولداۋ تابۋدان ءۇمىت ءۇزىپ، ينۆەستيتسيالاردى تانىس- جاقىندارىنىڭ اراسىنان ىزدەي باستايدى. حيكايانىڭ تەك سوڭىنا قاراي «الاتاۋ» IT پاركتىڭ ديرەكتسياسىنا ءوتىنىش بىلدىرگەن جاستار ەلىمىزدە ءوز ءىسىن اشۋ ءۇشىن بارلىق شارتتاردىڭ قۇرىلعانىنا جانە بارلىق ازاماتتارعا بىردەي مۇمكىندىكتەر بار ەكەنىن كورىپ، تاڭعالادى. حيكايا جاستاردىڭ بويىنا وتانسۇيگىشتىك سەزىمىن ۇيالاتىپ، ءوز مەملەكەتىنىڭ بولاشاعىنا ۇلەستەرىن قوسۋ ىلگەرىندى، ناعىز ازاماتتارعا ءتان قاسيەت ەكەنىن ۇقتىرادى.
«قازاقستان» تەلەارناسى وتاندىق حيكايالاردىڭ ءوندىرىسىن ودان ءارى جالعاستىرا بەرەدى. تولىق اقپاراتتى www.kaztrk.kz سايتىنان جانە بارلىق الەۋمەتتىك جەلىلەردەن بىلە الاسىزدار.
