ق ر پرەزيدەنتى نۇرسۇلتان نازاربايەۆتىڭ اتىنا اقىن اۋىت مۇقيبەك ارناۋ ولەڭىن جولدادى
اۆتور ولەڭىنە ەلباسىنىڭ ب ۇ ۇ باس اسسامبلەياسى مىنبەرىندە مەملەكەتتىك تىلدە سويلەگەنىن ارقاۋ ەتكەن. ول الەم ەلدەرى باس قوسقان القالى جيىندا نۇرسۇلتان نازاربايەۆتىڭ اسا ماڭىزدى ۇسىنىستارى مەن وي-تۇجىرىمدارىن قازاق تىلىندە جاريالاپ، حالقىمىزدىڭ مارتەبەسىن بيىكتەتكەنىنە سۇيسىنەدى. سونداي-اق اقىن قازاقستان پرەزيدەنتىنىڭ وسى ارقىلى بارشا قازاقستاندىقتارعا ۇلگى-ونەگە كورسەتكەنىن ايتقان.
«انا ءتىلدىڭ جەتپەسەك قادىرىنە، قازاق بولىپ قايتەمىز كۇن كەشىرىپ»، - دەپ تولعانعان ا. مۇقيبەك وسىلايشا مەملەكەت باسشىسىنىڭ قازاق تىلىنە دەگەن ايرىقشا قۇرمەتىن ايشىقتاعان.
سەن قازاقشا سويلەدىڭ...
ۇلت كوشباسشىسى، قازاقستان رەسپۋبليكاسىنىڭ تۇڭعىش پرەزيدەنتى نۇرسۇلتان ءابىش ۇلى نازاربايەۆقا:
سەن قازاقشا سويلەدىڭ، ەر نۇرەكەم،
تاۋەكەلگە بايلاپ ءبىر بەلدى بەكەم.
قازاق بىرگە شالقيدى سەن شالقىساڭ،
قازاق بىرگە جۇدەيدى سەن جۇدەسەڭ!
سەن قازاقشا سويلەدىڭ، التىن اعام،
اق ماڭدايىڭ كۇن ۇقساپ جارقىراعان.
بەرەسىڭدى الەمنەن الام دەدىڭ،
بەرمەسىڭدى اقىلمەن تارتىپ الام.
سەن قازاقشا سويلەدىڭ شىن كوسىلىپ،
سايراپ كەتتى وزىڭمەن بىرگە وسى جۇرت.
انا ءتىلدىڭ جەتپەسەك قادىرىنە،
قازاق بولىپ قايتەمىز كۇن كەشىرىپ!
تايپالدىڭ-اۋ توپ جارىپ، تارلانبوزىم،
جالپاعىنان باسىپ ءبىر جالعاندى ءوزىڭ!
ارشىپ بەردىڭ الەمنىڭ الدىندا سەن،
انا ءتىلدىڭ قۇم باسىپ قالعان كوزىن!
دومبىراڭنىڭ قۇلاعىن ەپپەن بۇراپ،
سىڭعىرىنداي سويلەدىڭ سەكسەن بۇلاق.
ءبىر ەلەڭدەپ شىنىمەن قالدى-اۋ تالاي،
وزگە تىلگە ۇيرەنىپ كەتكەن قۇلاق!
جان نۇرەكەم، جۇرەگى وت، كوزى نۇرلى،
دۇنيەگە ەستىرتتىڭ ءوز ءۇنىڭدى.
قازاق ەلىن جەر شارى ناق تانىدى،
قازاق ەلىن بەس قۇرلىق تەز ۇعىندى.
بىردە ساراڭ ۋاقىت، بىردە شۇلەن،
اداستىردى بابامنىڭ جۇلگەسىنەن.
قازاق ءتىلى الدى ورنىن سەن ارقىلى،
دۇنيەنىڭ ەڭ بيىك مىنبەسىنەن!
السىن حالىق بۇل كۇندى جىلدا ەسىنە،
تىكسىن تۇلپار بايگەنىڭ جۇلدەسىنە!
قازاق ءتىلىن شەگەلەپ كەتتىڭ ماڭگى،
دۇنيەنىڭ ەڭ ۇستەم مىنبەسىنە!
وسەكتەردىڭ ءوشتى ءۇنى جەل قۇساعان،
دەندەپ كەلگەن ايىقتىق شەر، قۇسادان!
ءبىر كىناسى وسى ەدى ارتىپ جۇرگەن،
وكپەسى جوق قازاقتىڭ ەندى ساعان!
اۋىت مۇقيبەك
01.10.2015
