الماتى وبلىسىندا ايەلدەر كولونياسىنداعى سوتتالۋشىلار شوۋ ۇيىمداستىردى - فوتو

«بۇل شىعارماشىلىق بايقاۋدىڭ ەرەكشەلىگى، ساۋىق شوۋىن ايەلدەردىڭ وزدەرى ۇيىمداستىرىپ، نيەت بىلدىرگەن بارلىق ادامدار قاتىستى. سوتتالۋشى ايەلدەر قويۋشى سۋرەتكەر دە، ورىنداۋشىلار دا وزدەرى بولىپ، كيىمدەردى دە وزدەرى تىكتى»، - دەپ اتاپ ءوتتى اڭگىمەلەسۋ بارىسىندا الماتى قالاسى جانە الماتى وبلىسى بويىنشا ق ا ج دەپارتامەنتىنىڭ لا-155/4 تۇزەۋ مەكەمەسى باستىعىنىڭ ورىنباسارى اناستاسيا استاپوۆا.

«سوتتالعان ايەلدەردىڭ شىعارماشىلىق قيالى كوپتەگەن تانىمال ەسترادا جۇلدىزدارىنىڭ بەينەسىندە شىعىپ، ءتۇرلى اندەر شىرقاۋعا مۇمكىندىك بەردى. وسىلايشا، ساحناعا گلوريا گەينور، جاننا اگۋزاروۆا جانە «ياللا» توبىن بەينەلەگەن ايەلدەر شىقتى. كورەرمەندەرگە، اسىرەسە اتى اڭىزعا اينالعان «Boney M»  توبى مەن ءانشى سيتا (ءۇندىستان) ەرەكشە ۇنادى.

وسىنداي شارانىڭ وتكىزىلۋى سوتتالۋشىلاردىڭ اراسىندا تاربيە جۇمىسىنىڭ ءبىر باعىتى بولىپ تابىلادى. وعان قوسا، «دالمە-ءدال» شوۋى - سەزىمگە بولەيتىن اسەرلى شارا»، - دەپ قوسىپ ءوتتى ا. استاپوۆا.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى