جامبىل وبلىسىنىڭ ماسانچي اۋىلىندا ءشانشيدىڭ دەنساۋلىق ساقتاۋ دەپارتامەنتى اۋرۋحانا سالادى
بۇل تۋرالى «قازاقپارات» ح ا ءا- ءنىڭ تىلشىسىنە «قازاقستان دۇنگەندەرى قاۋىمداستىعىن» باسقارىپ وتىرعان «جاڭا جىبەك جولى» حالىقارالىق اكادەمياسى» ق ق- نىڭ پرەزيدەنتى حۋسەي داۋروۆ حابارلادى.
«دۇنگەندەردىڭ ماسانچي، سورتوبە جانە تاعى باسقا اۋىلدارىندا ءار وتباسىندا بەستەن ونعا دەيىن نەمەسە ودان دا كوپ بالا تۋىلادى. قورداي اۋدانىنىڭ «اۋىلدىق ايماعىندا» عانا جىل سايىن ەكى مىڭعا دەيىن بالا تۋادى. بۇل رەتتە مەديتسينالىق مەكەمەلەردىڭ جەتىسپەۋشىلىگى ماسەلەسى وتكىر بولىپ وتىر، جانە ونى شەشۋ ءۇشىن «قازاقستان دۇنگەندەرى قاۋىمداستىعى» مەن ءشانشي پروۆينتسياسى (ق ح ر) دەنساۋلىق ساقتاۋ دەپارتامەنتىنىڭ اراسىندا 15 ميلليون يۋان (450 ميلليون تەڭگە) سوماسىنا اۋماعى 2 مىڭ شارشى مەتر اۋرۋحانا قۇرىلىسىن سالۋ كەلىسىمىنە قول قويىلعان. جۇمىستار بارلىق قۇجاتتار كەلىسىلگەن سوڭ بيىلعى جىلى باستالۋى ءتيىس»، - دەپ باياندادى ح. داۋروۆ.
بالالار ءبولىمى، گينەكولوگيا، 100 ورىنعا ارنالعان پەرزەنتحانانى سالۋ جوسپارلانىپ وتىر. «انا مەن بالا ورتالىعى» جوباسى ماسانشى، قاراكەمەر، كۇنباتىس، سورتوبە، اۋقاتتى، بۇلان باتىر اۋىلدارىن قامتۋى ءتيىس. قازىرگى كەزدە جەر ۋچاسكەسى رەسىمدەلىپ، جوبالىق جۇمىستار باستالىپ كەتتى.
قۇرىلىسى تۋرالى كەلىسىم اياسىندا بەكىتىلگەن باعدارلامادا سونداي- اق مامانداردى دايارلاۋ قاراستىرىلىپ وتىر.
«قازىردىڭ وزىندە ءبىز جاستارىمىزدى ورديناتۋرا مەن تاجىريبەگە جىبەرىپ وتىرمىز، قىتايدىڭ مەديتسينالىق ج و و- دا وقۋ گرانتتارى بولادى، قىتايلىق ماماندار ءبىزدىڭ ەمحانالارىمىزعا كەلەدى»، - دەدى حۋسەي داۋروۆ.
