نۇرالى اليەۆ فينليانديا سىرتقى ساۋدا جانە دامۋ مينيسترىمەن كەزدەستى

دەپ حابارلادى astana.gov.kz.

لەنيتا تويۆاككا حانىم قازاقستان رەسپۋبليكاسىنا ساپارى شەڭبەرىندە ۇلكەن فين كومپانيالارىنىڭ 27 ۋاكىلى دەلەگاتسياسى قۇرامىندا استانا قالاسىنا كەلدى.

كەلىسسوزدەردە تاراپتار قازاقستاندىق- فيندىك ساۋدا- ەكونوميكالىق سەرىكتەستىك ماسەلەلەرىن، سونداي- اق قالالىق ينفراقۇرىلىمعا قاتىستى ماسەلەلەردى تالقىلادى.

 «قازاقستان مەن فينليانديانى ءوزارا ءتيىمدى سەرىكتەستىكتى بۇدان ءارى نىعايتۋ ءۇشىن ەداۋىر مۇمكىندىكتەرى بار ءداستۇرلى يگى جانە جەمىستى قارىم- قاتىناستار بايلانىستىرادى. مۇنداي سەرىكتەستىكتىڭ نەگىزگى كورسەتكىشى استانا جانە وۋلۋ تۋىستاس قالالار بولىپ تابىلاتىندىعى» - دەدى ن. اليەۆ قوناقتارعا سالەم بەرە وتىرىپ.

كەزدەسۋ شەڭبەرىندە نۇرالى اليەۆ مينيستر حانىمعا جانە فين كاسىپكەرلەرىنە «Smart Astana» كونسەپتسياسىن ىسكە اسىرۋ تۋرالى دا، سونداي- اق فين كومپانيالارىنىڭ «استانا - جاڭا قالا» ارنايى ەكونوميكالىق ايماعىنا ءتيىمدى قاتىسۋى مۇمكىندىكتەرى جايلى ايتىپ بەردى.

اڭگىمە بارىسىندا نۇرالى اليەۆ «شەتەلدىك ينۆەستورلارعا ۇلكەن قولداۋ كورسەتىلەتىنىن، سونداي- اق مەملەكەتتىك جەڭىلدىكتەر مەن كەپىلدىكتەر ۇسىنالاتىنىن» ەرەكشە اتاپ ايتتى.

كەزدەسۋ قورىتىندىسىندا نۇرالى اليەۆ لەنيتا تويۆاككاعا قازاقستاننىڭ استاناسى استاناعا قىزىعۋشىلىق بىلدىرگەنى ءۇشىن العىس ايتتى، سونداي- اق «Astana Invest 2015» VI حالىقارالىق ينۆەستيتسيالىق فورۋمىندا فين تاراپىنىڭ بەلسەندى قاتىسۋىنا سەنىمدىلىگىن ءبىلدىردى.

 ەسكە سالا كەتەيىك، «Astana Invest 2015» VI حالىقارالىق ينۆەستيتسيالىق فورۋمى 2015 - جىلعى 29 - قازاندا استانا قالاسىنىڭ تاۋەلسىزدىك سارايىندا وتەدى. اتالمىش فورۋم مەملەكەتتىك بيلىك ۋاكىلدەرى، شەتەلدىك جانە قازاقستاندىق بيزنەس- قاۋىمداستىقتار اراسىنداعى سەرىكتەستىكتى جاڭا دەڭگەيگە كوتەرۋگە بىرەگەي مۇمكىندىك بەرەدى.

اۆتور: قانات مامەتقازى ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى