دوحادا وتەتىن بوكستان الەم چەمپيوناتىن «قازاقستان» جانە «قازسپورت» تەلەارنالارى كورسەتەدى

بۇل تۋرالى «قازاقستان» ر ت ر ك باسپا ءسوز قىزمەتى حابارلادى.

الەم چەمپيوناتىنا دايىندىقتى قۇرامىندا قازىرگى الەم، ازيا جانە ازيادا چەمپيوندارى دانيار ەلەۋسىنوۆ، جانىبەك ءالىمحان ۇلى جانە جۋىردا عانا اياقتالعان ازيا چەمپيوناتىنىڭ جەڭىمپازدارى ولجاس ساتتىبايەۆ، ادىلبەك نيازىمبەتوۆ، ۆاسيلي ليەۆيت جانە يۆان دىچكو بار قازاقستان قۇراماسى باس باپكەر مىرزاعالي ايتجانوۆتىڭ جەتەكشىلىگىمەن پىسىقتاعان بولاتىن.

قازاقستان قۇراماسىنىڭ تولىق قۇرامى:

 - 52 كەلى - ولجاس ساتتىبايەۆ.

 - 56 كەلى - قايرات ەراليەۆ.

 - 60 كەلى - زاكير سافيۋللين.

 - 69 كەلى - دانيار ەلەۋسىنوۆ.

 - 75 كەلى - جانىبەك ءالىمحان ۇلى.

 - 81 كەلى - ادىلبەك نيازىمبەتوۆ.

 - 91 كەلى - ۆاسيليي ليەۆيت.

 - +91 كەلى - يۆان دىچكو.

 «قازاقستان» ۇ ت ا مەن «Kazsport»تەلەارناسى بوكستان وتەتىن الەم چەمپيوناتىن 6- قازان كۇنى باستالاتىن العاشقى اينالىم سىندارىنان باستاپ اقتىق سىندار وتەتىن 15- قازانعا دەيىن تولىعىمەن كورسەتپەك.

 العاشقى اينالىم سىندارى مەن شيرەك فينالدىق كەزدەسۋلەر «Kazsport» تەلەارناسىنىڭ ەفيرىنە جوسپارلانعان. ال جارتىلاي فينالدىق جانە فينالدىق جەكپە- جەكتەردى كورەرمەندەر «قازاقستان» ۇلتتىق ارناسىنىڭ تىكەلەي ەفيرىنەن كورە الادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى