استانادا تۇركى ادەبيەت ينستيتۋتتارىنىڭ باسشىلارى باس قوستى

تۇركى الەمىنىڭ ۇلتتىق عىلىم اكادەميالارى وداعى شەڭبەرىندە وتكەن جيىنعا ازەربايجان ۇلتتىق عىلىم اكادەمياسىنىڭ ۆيتسە-پرەزيدەنتى، نيزامي اتىنداعى ادەبيەت ينستيتۋتىنىڭ ديرەكتورى يسا گابيببەيلي، قىرعىز رەسپۋبليكاسى ۇلتتىق عىلىم اكادەمياسىنىڭ ۆيتسە-پرەزيدەنتى ابدىلداجان اكماتاليەۆ، تۇرىك ءتىلى قوعامىنىڭ ءتوراعاسى مۋستافا كاچالين، ق ر ۇ ع ا اكادەميگى سەيىت قاسقاباسوۆ، تاتارستان عىلىم اكادەمياسى ع. يبراگيموۆ اتىنداعى ءتىل، ادەبيەت جانە ونەر ينستيتۋتىنىڭ ديرەكتورى كيم مينۋللين، م. و. اۋەزوۆ اتىنداعى ادەبيەت جانە ونەر ينستيتۋتىنىڭ ديرەكتورى ءۋاليحان قاليجان قاتىستى.

جيىن بارىسىندا قازاقستان رەسپۋبليكاسىنىڭ پرەزيدەنتى ن. ءا. نازاربايەۆتىڭ استانادا وتكەن تۇركى كەڭەسىنىڭ 5- سامميتىندە بەرگەن تاپسىرماسى بويىنشا قولعا الىنىپ جاتقان «اتالار ميراسى» عىلىمي جوباسى، سونىمەن قاتار «ورتاق تۇركى ادەبيەتى» وقۋلىعىنىڭ تۇجىرىمداماسى تالقىلاندى. اتالعان جوبالاردى ىسكە اسىرۋ ءۇشىن ادەبيەت ينستيتۋتتارى اراسىندا ارىپتەستىك جونىندەگى كەلىسىم جاسالدى.

ايتا كەتۋ كەرەك، بۇعان دەيىن حالىقارالىق تۇركى اكادەمياسى «ورتاق تۇركى تاريحى» وقۋلىعىن ازىرلەدى. وقۋلىق ۇستىمىزدەگى جىلدىڭ 11 -قىركۇيەگىندە وتكەن تۇركى كەڭەسى مەملەكەت باسشىلارىنىڭ بەسىنشى سامميتىندە جوعارى باعالاندى. اكادەميا وسى يگى باستامانى جالعاستىرىپ، تۇركى حالىقتارىنا ورتاق ادەبيەت پەن گەوگرافيا وقۋلىقتارىنىڭ جالپى نۇسقاسىن دايىنداۋدا.

استانادا تۇركى ادەبيەت ينستيتۋتتارىنىڭ باسشىلارى باس قوستى استانادا تۇركى ادەبيەت ينستيتۋتتارىنىڭ باسشىلارى باس قوستى.

اۆتور: كەنجەكەي توقتامۇرات قىزى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى