قازاقستاندا مەكتەپ باعدارلاماسىنا جاڭا ءپان قوسىلاتىن بولدى
بۇل تۋرالى «قامشى» پورتالى bbc.com-عا سىلتەمە بەرە وتىرىپ حابارلايدى. 2012 -جىلى 12,8 پايىزدى قۇراعان كورسەتكىش بيىلعى جىلى بىردەن 9,6 پايىزعا تومەندەپتى.
ساحارانىڭ وڭتۇستىگىندەگى حالىقتىڭ كەدەيلىك كورسەتكىشى بيىلعى بولجام بويىنشا 2012 -جىلعى 42,6-دان 35,2 پايىزعا تومەندەمەك. «قالاي بولعاندا دا بۇل الەمدىك كەدەيلىك كورسەتكىشىنىڭ تەڭ جارتىسىن قۇراپ تۇر» - دەپ الاڭداۋشىلىق ءبىلدىردى الەمدىك بانك پرەزيدەنتى دجيم ەن كيم.
«دەسە دە، ءبىز - كەدەيلىكپەن مۇلدە قوش ايتىسۋعا مۇمكىندىگى بار ادامزات تاريحىنداعى العاشقى بۋىن وكىلدەرىمىز»، - دەدى، قۋانىشىمەن بولىسكەن پرەزيدەنت مىرزا.
اتالمىش تەندەنتسيانىڭ دامۋشى مەملەكەتتەردەگى ءبىلىم، دەنساۋلىق ساقتاۋ جانە الەۋمەتتىك قورعاۋ سىندى سالالارعا سالىنعان ينۆەستيتسيالاردىڭ قارقىندى وسىمىمەن تۇسىندىرىلەتىنىن ايتتى بانك وكىلدەرى.
دەگەنمەن، كيم مىرزا: «الەمدىك ەكونوميكا ءوسىمىنىڭ توقتاپ تۇرعانى، قارجىلىق نارىقتىڭ تۇراقسىزدىعى، ءتۇرلى قاقتىعىستار، جاستار اراسىنداعى جۇمىسسىزدىق جانە كليماتتىڭ ۇنەمى وزگەرىسكە ۇشىراۋ سىندى ماسەلەلەر اتالمىش پروگرەسستىڭ جالعاسۋىنا كەرى اسەرىن تۋدىرۋى مۇمكىن»، - دەپ ەسكەرتتى.
ءبىراق، ءبىراز مەملەكەتتەردە داۋ- دامايلاردىڭ سالدارىنان نەمەسە شيكىزات تاۋارلارىنىڭ شامادان تىس ەكسپورتىنا بايلانىستى كەدەيلىكتىڭ بەلەڭ الىپ كەتۋى زاڭدى قۇبىلىس ەكەنىن ايتىپ ءوتتى بانك وكىلدەرى.
