گەننادي گولوۆكيننىڭ اناسى «جىل پاتريوتى» بايقاۋىندا جەڭىسكە جەتتى
استانادا وتكەن پاتريوتتاردىڭ رەسپۋبليكالىق فورۋمىندا «جىل پاتريوتى» جىل سايىنعى بايقاۋىندا جەڭىسكە جەتكەندەر ماراپاتتالدى. سىيلىقتار جەتى اتالىم بويىنشا تابىس ەتىلدى.
«انا جۇرەگى» اتالىمىندا قازاقستاندىق اتاقتى بوكسشى گەننادي گولوۆكيننىڭ اناسى ەليزاۆەتا گولوۆكينا جەڭدى.
سونىمەن قاتار، عارىشكەر، ق ر ا ا ك پولكوۆنيگى ايدىن ايىمبەتوۆ «مەنىڭ ەلىم» جانە ك س ر و جانە ق ر حالىق ءارتىسى بيبىگۇل تولەگەنوۆا «بيىك رۋحانيات» سىيلىقتارىنىڭ لاۋرەاتى اتاندى.
ال سۋعا باتىپ بارا جاتقان ەكى قىزدى قۇتقارعان باتىس قازاقستاننىڭ 11 جاستاعى وقۋشىسى نيكيتا تيۋكين «ەرلىك» اتالىمى بويىنشا جەڭىمپاز اتاندى.
سونداي- اق، «ەل بىرلىگى» اتالىمىندا - «دينار - ەلەكتروماش» ج ش س (اقتوبە وبلىسى) ىستەرىن باسقارۋشى سەرگەي ۆيشنياك، «نۇرلى جول» اتالىمىندا «قازلەگپروم - الماتى» ج ش س باس ديرەكتورى ايبەك بەكتۇرعانوۆ، «ەرەن ەڭبەگى ءۇشىن» اتالىمىندا «تەمىرلان» ج ش س ديرەكتورى ەرلان ارين جەڭىسكە جەتتى.
ايتا كەتەيىك، فورۋمدا 20 دان اسا ادام ءسوز سويلەدى. ولاردىڭ اراسىندا وبىرمەن كۇرەس بويىنشا زەرتتەۋ جۇرگىزۋگە 2 ميلليون دوللارىن بەرگەن 25 جاستاعى باعدارلاماشى اسحات مىرزابايەۆ بار. ول تابىسقا قالاي قول جەتكىزگەنىن جانە عالامدىق ماقساتتارعا قالاي قول جەتكىزۋگە بولاتىنى تۋرالى ويىن ايتتى.
«مەن قازىر 25 جاستامىن، ءبىراق كەرەمەت جۇمىس وتىلىنەن باسقا مەن تاعى ءبىر ماڭىزدى نارسەنى ءتۇسىندىم. ۇلى، عالامدىق دۇنيەنى قۇرۋ ءۇشىن عالامدىق دەڭگەيدە ويلاۋ قاجەت. ءاردايىم وزىڭە تەرەڭ ماعىنالى سۇراق قويۋىڭ كەرەك. مەنىڭ ءومىرىمنىڭ ءمانى نەدە، مەن قانداي ءىز قالدىرامىن، مەن ادامزاتقا نە بەرە الامىن. ءوزىم ءۇشىن جاۋاپتارىن تاپتىم: مەن ادامزاتتىڭ ەڭ تۇيىتكىلدى ماسەلەلەرىن شەشۋ ارقىلى عىلىمنىڭ داۋىنا قولداۋ كورسەتكىم كەلەدى. سوندىقتان ءوزىم ءۇشىن، ونكولوگيامەن كۇرەس بويىنشا زەرتتەۋ جۇرگىزۋگە گونورارىمنان ەكى ميلليون دوللار بولەمىن دەپ شەشتىم»، - دەدى مىرزابايەۆ. تاعى ءبىر ماڭىزدى نارسە دەپ ول ادامنىڭ اقىل- پاراساتىنىڭ الەۋەتى مەن ادامزات كاپيتالىنىڭ ماڭىزدىلىعىن اتادى.
ايتا كەتەيىك، پاتريوتتاردىڭ رەسپۋبليكالىق فورۋمىنا ەلدىڭ تۇكپىر- تۇكپىرىنەن 2 مىڭنان اسا دەلەگات جينالدى. فورۋم 2007 -جىلدان بەرى وتكىزىلىپ كەلەدى. وعان ءوز ءىسىنىڭ ۇزدىك ماماندارى قاتىسادى: دارىگەرلەر، مۇعالىمدەر، ونەركاسىپ جۇمىسشىلارى، شارۋالار، تابىستى كاسىپكەرلەر.
