قازاقستاندا «ماڭگىلىك ەل» تەلەارناسىن قۇرۋ ۇسىنىلدى
«قازاق مەملەكەتتىلىگىنىڭ تەرەڭ تاريحىنا تالداۋ جاساپ، تاۋەلسىز قازاقستان حالقىن ءبىر ماقساتقا جۇمىلدىراتىن جالپى ۇلتتىق يدەيا، ۇلى دالا كەڭىستىگىندەگى «ماڭگىلىك ەل» ستراتەگياسىنىڭ 2050-جىلعى دامۋ باعدارلاماسى - ۇلتىمىزدىڭ جارقىن بولاشاعى. ۇلتتىق يدەيا رەتىندە تاراتۋ ءۇشىن قازاقستان حالقى اسسامبلەياسى اتىنان الداعى ۋاقىتتا وسىنى حالىققا مەيلىنشە جەتكىزۋ، بارلىق ۇرپاققا جەتكىزۋ، تەك قانا ءوزىمىزدىڭ مەملەكەتتە عانا ەمەس، كورشى ەلدەرگە دە، باسقا الىس ەلدەرگە جەتكىزۋ ماقساتىندا ارنايى «ماڭگىلىك ەل» باعدارلاماسىن نەمەسە «ماڭگىلىك ەل» تەلەارناسىن جاريالاپ، جۇمىس ىستەتۋگە ۇسىنىس جاساعىم كەلەدى»، - دەدى ول بۇگىن استانادا «ماڭگىلىك ەل - بولاشاعى ءبىرتۇتاس ەل» اتتى پاتريوتتار فورۋمىندا.
«ارمانىنا ەلىمىز قول جەتكىزدى. بۇل مىڭداعان جىلدار كوكسەگەن ارمانىمىز، تاۋەلسىزدىگىمىزدىڭ جەمىسى - ەلباسىمىزدىڭ جەڭىسى بولدى. مىڭجىلدىق تاريحىمىزدا ءبىزدىڭ بابالارىمىز تالاي قيىندىق كوردى، جانقيارلىقپەن تاۋەلسىزدىكتى اڭسادى، سونىڭ جولىندا قۇربان دا بولدى. ەركىن ەل بولۋ باقىتىن، تاۋەلسىزدىكتى، ۇلتتىڭ، حالىقتىڭ ىنتىماعىن جاسامپازدىق يگىلىگىنە جاراتۋ - ءبىزدىڭ بۇگىنگى پاتريوتتىق، وتانشىلدىق بورىشىمىز. ەلباسىنىڭ ستراتەگيالىق كورەگەندىگى مەن رەفورماتورلىق تالانتى ەلىمىزدىڭ تاۋەلسىزدىك داۋىرىندە قارىشتاپ دامۋىن قامتاماسىز ەتۋدە»، - دەپ اتاپ ءوتتى ق. سۇلتانوۆ.
ونىڭ ايتۋىنشا، بولاشاقتى قالاۋ، جارقىن كەلەشەككە قول جەتكىزۋ تەك ەلدىڭ بىرلىگى ارقاسىندا، ءبىر يدەيانىڭ ماڭىندا توپتاسۋدىڭ ناتيجەسىندە عانا بولادى.
«وسى ۇلى جورىقتا بارلىق ەل ازاماتتارى ءۇشىن ەلباسى نۇرسۇلتان ءابىش ۇلىنىڭ سەنىمدى تىرەگى ءارى كومەكشىسى بولۋىمىز - بارلىعىمىزدىڭ ابىرويلى، پاتريوتتىق بورىشىمىز. جاساسىن قازاقستان!»، - دەپ ءتۇيدى ءسوزىن دەپۋتات.
اۆتور: جاسۇلان جولدىبايەۆ
