ءومىرالى نىشان سوچيدە وتكەن بۇكىل الەمدىك ويىنداردىڭ چەمپيونى اتاندى - فوتو

مۇمكىندىگى شەكتەۋلى جاندارعا ارنالعان ويىندار 26- قىركۇيەك پەن 3- قازان ارالىعىندا سوچي قالاسىندا ءوتتى. جارىسقا الەمنىڭ 40 مەملەكەتىنەن 550 دەن استام ساڭىلاق قاتىسىپ، باق سىنادى.

ويىندار باعدارلاماسىنا ارمرەستلينگ، جەڭىل اتلەتيكا، ءجۇزۋ، ساداقپەن اتۋ جانە ۇستەل تەننيسى كىردى. سونداي-اق بيىل ءبىرىنشى رەت مۇنداي جارىسقا تاەكۆوندو سپورتى قوسىلعانىن ايتا كەتۋ كەرەك، دەپ حابارلايدى قازاقستان تاەكۆوندو فەدەراتسياسىنىڭ باسپا ءسوز قىزمەتىنەن.

پاراتاەكۆوندودان ەل نامىسىن ەكى ساڭىلاق قورعادى. ولاردىڭ اراسىندا ءومىرالى نىشان بولدى. باس باپكەر تالعات نۇربايەۆ قوس ازاماتىمىزدىڭ ونەرىن جوعارى باعالاپ، كەرەمەت ناتيجە كورسەتكەنىن باسا ايتى. سوڭعى جىلداردارداعى الەمدەگى ەڭ ۇزدىك پاراتاەكۆوندوشىسىنا اينالعان ءومىرالى نىشان بۇل جولى دا كوزگە ءتۇستى.

قانداسىمىز رەسمي جارىستاردىڭ بارلىعىندا تۇراقتى ناتيجە كورسەتىپ، جۇلدەسىز ورالماۋدى داستۇرگە اينالدىرعان. بۇل جولى ول ءوزىن سوچيدە وتكەن بۇكىل الەمدىك ويىندارىندا كورسەتتى: قانجىعاسىنا التىن بايلاپ، فينالدا رەسەي وكىلى گازايەۆ سپارتاكتان باسىم ءتۇستى.

جەرگىلىكتى جانكۇيەرلەر قولداۋىنا قاراماستان، ءومىرالى نىشان ۇزدىك شىعىپ، چەمپيون اتاندى. الەم چەمپيونى ازەربايجان وكىلى الەكساندر پوليشۋك 3- ورىن العانىن ايتا كەتۋ كەرەك. ەستەرىڭىزدە بولسا، قىركۇيەك ايىندا وتكەن الەم بىرىنشىلىگىندە ول فينالدا قانداسىمىزدان ايلاسىن اسىرىپ، ۇزدىك اتانعان ەدى.

بۇكىل الەمدىك IWAS ويىندارى ەڭ العاش رەت 1948-جىلى ۇلى بريتانيادا وتكەن بولاتىن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى