ەسىنەۋدىڭ زياندى تۇسى
ادام ەسىنەگەن كەزدە دەمالىپ، ءوزىن جاقسى سەزىنەدى.
اعزا ەسىنەۋ ارقىلى ادامنىڭ ۇيقىسى كەلگەنىن اڭعارتادى. قىتايدا ەسىنەۋگە بايلانىستى قىزىقتى وقيعا تىركەلگەن. قىتايدىڭ ۋحان قالاسىنىڭ تۇرعىنى قاتتى ەسىنەيمىن دەپ وكپەسىن جىرتىپ العان.
26 جاستاعى ازامات اۋىر حالدە قالانىڭ ورتالىق كلينيكاسىنا جەتكىزىلەدى. ناۋقاستىڭ ايتۋىنشا، ول ۇيقىدان ويانعان كەزىندە قاتتى ەسىنەگىسى كەلىپ، ەسىنەگەننەن سوڭ وكپەسى شانشىپ، اۋىرا باستايدى. بۇعان اسا قاۋىپپەن قاراماعان جىگىت ءبىراز ۋاقىتقا شەيىن ەش ءمان بەرمەگەن. الايدا دەم الىسى اۋىرلاپ، تىنىسى تارىلا باستاعاننان كەيىن امالسىزدان جەدەل جاردەم شاقىرۋعا تۋرا كەلەدى. اۋرۋحانادا دارىگەرلەر ناۋقاستى رەنگەنگە ءتۇسىرىپ، ونىڭ وكپەسى جىرتىلىپ كەتكەنىن انىق كورەدى.
دارىگەرلەردىڭ ەسەپتەۋىنشە، مۇنداي وقيعا ناۋقاستىڭ دەنە سالماعىنىڭ بويىمەن سايكەس كەلمەۋىنەن بولادى ەكەن.
«ماسساگەت»
