الماتىدا قازاقستاننىڭ ەڭ ۇزدىك باس اسپازى انىقتالدى - فوتو
قاتىسۋشىلاردىڭ شەبەرلىگىن ەسىمدەرى الەمگە بەلگىلى اسپازداردان جانە حالىقارالىق اسپازدىق قاۋىمداستىقتار باسشىلارىنان قۇرالعان قازىلار القاسى باعالادى. ولاردىڭ بارلىعى دۇنيەجۇزىلىك WorldChefs (WACS) اسپازدىق قوعامداستىقتارى قاۋىمداستىعىنىڭ مۇشەلەرى.
جارىس التى اۋىسىم بويىنشا جۇرگىزىلدى. ءار اۋىسىمدا التى باس اسپاز باقتارىن سىنادى. اسىرەسە «قارا جاشىك» تۋرنيرى اسا تارتىستى ءوتتى. وندا شارت بويىنشا ءاربىر قاتىسۋشىعا «قارا جاشىك» بەرىلەدى. وندا بىردەي مولشەردە ازىق- تۇلىك جيىنتىعى سالىنعان. بۇل جەردە ولاردىڭ ءتىزىمى باس اسپازشىلارعا ايتىلمايدى. ءبىراق باس اسپاز ۇسىنىلعان ونىمدەردىڭ بارلىعىن تاعامعا قولدانۋعا مىندەتتى.
ايتا كەتەلىك، تۋرنيردە قولدانىلعان بارلىق ازىق- تۇلىك، كوكونىس جانە جەمىس- جيدەكتەر قازاقستاندا وندىرىلگەن.
ەكى تۋردىڭ قورىتىندىسى بويىنشا باس اسپازشىلار كۋبوگىن اندرەي اتاپين جەڭىپ الدى. ول سونىمەن قاتار، WACS سەرتيفيكاتىمەن ماراپاتتالدى.
«باس اسپازدار چەمپيوناتى جۇمىس بەرۋشىلەر مەن باس اسپازداردىڭ كەزدەسۋىنە مۇمكىندىك بەرەدى. بۇل جارىسقا قاتىسۋعا ەلىمىدىڭ تۇكپىر- تۇكپىرىنەن جۇزدەن استام باس اسپاز ءوتىنىم بەردى. ولار قازىلار القاسىنا وزدەرىن جانە وزدەرىنىڭ تاعامارىن تانىستىرۋ ءۇشىن ءوز باعدارلامالارىن ۇسىندى. سونىڭ نەگىزىندە ىرىكتەۋ تۋرلارى جۇرگىزىلدى. الداعى ۋاقىتتا باس اسپازدار بىرىنشىلىگى تۇراقتى تۇردە وتكىزىلىپ تۇراتىن بولادى»، - دەدى قازاقستاننىڭ باس اسپازدار قاۋىمداستىعىنىڭ پرەزيدەنتى الەكساندر ترەگۋبەنكو.
