اتامبايەۆ قىرعىزستان ۇكىمەتىن قۇلاتقىسى كەلەتىندەردىڭ الدىنان تۇرمە كۇتىپ تۇرعانىن مالىمدەدى
ال ۇكىمەتتى قۇلاتقىسى كەلەتىندەردىڭ تۇرمەگە قامالاتىنىن مالىمدەدى، - دەپ حابارلايدى Tengrinews.kz ءتىلشىسى بىشكەكتەن.
«كونستيتۋتسياعا سايكەس، ەل پرەزيدەنتى كونستيتۋتسياسىنىڭ كەپىلى ەمەس، ءبىراق مەملەكەت باسشىسى رەتىندە مەن مۇنداي ادامداردى تۇرمەگە قامايتىنىمىزدى مالىمدەيمىن، ولارعا قاتىستى كۇش قولدانامىز»، - دەدى اتامبايەۆ.
قىرعىزستان پرەزيدەنتى ءوز سوزىندە 2010 -جىلدىڭ ساۋىرىندە كوتەرىلىس بولماسا رەسپۋبليكادا "قاندى ديكتاتۋرا" ورناۋى مۇمكىن بولعانىن اتاپ ءوتتى. اتامبايەۆ ەل ۇكىمەتى مەن باسشىلىعىنىڭ پارلامەنت سايلاۋىن ءادىل ءارى تازا وتكىزۋگە بارلىق جاعداي جاساعانىن ايتتى. سونىمەن قاتار، پرەزيدەنت ەكى جىلدان كەيىن ەلدىڭ مەملەكەتى باسشىسىن دا سايلايتىنىن ەسكە سالدى.
ەسكە سالايىق، 4 -قازاندا قىرعىزستاندا پارلامەنت سايلاۋى ءوتىپ جاتىر. پارلامەنتتەگى 120 ورىنعا 14 ساياسي پارتيا ۇمىتكەر بولىپ وتىر. سايلاۋشىلاردىڭ 7 پايىزىن العان بىرلەستىكتەر، سونىمەن قاتار ەلدىڭ ءار وبلىسىنان 0,7 پايىزىن العاندارعا پارلامەنتتەن ورىن بۇيىرادى.
