بەردىبەك ساپاربايەۆ ەكى پوليتسەيدى ولىمنەن قۇتقارىپ قالدى
ىسساپارمەن اۋىلداردى ارالىپ جۇرگەن اقتوبە وبلىسىنىڭ اكىمى جولدا اۋىر جاراقات الىپ، ەس- ءتۇسسىز جاتقان پوليتسيالاردى كورىپ، جاعاسىن ۇستاعان.
اكىم جول اپاتىنا 35 مينۋتقا كەشىككەن جەدەل جاردەم قىزمەتىن قاتاڭ قاداعالاۋدى ۇسىندى دەپ حابارلايدى NUR. KZ ءتىلشىسى.
اقتوبەدە ساپاربايەۆ عاجايىپتارى جالعاسۋدا. اكىم العا اۋدانىنا شىققان ساپارىندا جولشىباي جول- كولىك وقيعاسىنىڭ كۋاگەرى بولعان. جولدا ءبىر ەمەس، ەكى بىردەي پوليتسيا قىزمەتكەرى جول اپاتىنا ءتۇسىپ، سۇلىق جاتىر.
جاندارىندا جەدەل جاردەم دە جوق. جاعدايعا بەي-جاي قارامايتىن اكىم سول ساتتە-اق جاۋاپتى ماماندار مەن توتەنشە جاعداي قىزمەتىن اياعىنان تىك تۇرعىزادى.
اكىمنىڭ ارالاسۋىمەن ەكى بىردەي قازاقستان پوليتسياسىنىڭ ءومىرى قىل ۇستىنەن امان قالدى.
ول كىسى بىزگە پەرىشتە بوپ كەلگەن، اللاعا شۇكىر امان قالدىق
«ول كىسى بىزگە پەرىشتە بوپ كەلگەن، اللاعا شۇكىر امان قالدىق. اۋرۋحانادان شىقسام، ول كىسىگە ارنايى بارامىن. ساپاربايەۆ مىرزانى ومىرىمدە بەتپە-بەت كورگەن ەمەسپىن. ەسىمنەن تانىپ جاتقان كەزدە قاسىما ءوزى كەلگەن. ەندى مەن ول كىسىنى قالاي دا ىزدەپ بارىپ كورەتىن بولامىن»، - دەيدى پوليتسيا مايورى جانبولات قۇلعارين.
ءبىر ولىمنەن امان قالىپ، ومىرگە جاڭا كەلگەندەي بولىپ وتىرعان پوليتسيا مايورىنىڭ تەز ارادا اۋرۋحاناعا جەتۋىنە سەبەپ بولعان اكىم مەن ءومىرىن اراشالاپ قالعان اق حالاتتىلارعا العىسى شەكسىز.
«وقيعا وتكەن جۇما كۇنى، 25 -قىركۇيەك كۇنى بولدى. ارىپتەسىم ەكەۋىمىز تاڭعى ساعات 8.30 شاماسىندا جۇمىسقا كەلە جاتقانبىز. ەكەۋمىز دە اقتوبە زاڭ ينستيتۋتىندا مۇعالىم بولىپ جۇمىس جاسايمىز. بۇل جاققا اقپاندا عانا اۋىسقان بولاتىنمىن. وسىعان دەيىن ايتەكە ءبي اۋداندىق پوليتسياسىنىڭ قىلمىستىق ىزدەستىرۋ بولىمىندە جۇمىس جاسادىم. سول كۇنى دە كۇندەلىكتى جۇرەتىن تراسسامىزبەن كەلە جاتقانبىز. الدىمىزدان قاتتى جىلدامدىقپەن شىققان جاسىل ءتۇستى ماشينا بىزگە سوعىلىپ، قارسى باعىتتاعى جولعا يتەرىپ جىبەردى. ودان كەيىنگى جاعداي ەسىمدە جوق»، - دەيدى جانبولات قۇلعارين.
«كەيىن جىگىتتەر ايتىپ جاتىر، اكىم كەلىپ «مىناۋ نە، پوليتسيالار جولدا شاشىلىپ جاتىر؟» دەگەن سياقتى قىلىپ سويلەگەن»، - دەيدى ول. ءوڭى مەن ءتۇسىن ءالى اجىراتا قويماعان پوليتسيا قىزمەتكەرى تەك العىس ايتا بەردى.
التى اعايىندىلى جىگىتتىڭ 80 جاسقا كەلگەن اتا-اناسى بار. ولاردىڭ ارمانى ەندى ءۇيدىڭ كەنجەسى جانبولاتتىڭ شاڭىراق كوتەرگەنىن كورۋ.
شارۋام قاۋىرت، «اكىممىن» دەپ جولدان ءوتىپ كەتپەدى
«شارۋام قاۋىرت، «اكىممىن» دەپ جولدان ءوتىپ كەتپەي، جول اپاتىنا تۇسكەن ادام ومىرىنە بەي- جاي قاراماي توقتاعانى، ول كىسىنىڭ قاراپايىم، ۇلكەن جۇرەكتى ادام ەكەنىن كورسەتەدى. ءولىم مەن ءومىر اراسىندا جاتقان ادام تاعدىرىن سەكۋندتار شەشەدى ەمەس پە؟ قۇدايدىڭ قاراسقانى سول، ساپاربايەۆ جولعا شىعىپ، بالالاردىڭ اۋرۋحاناعا جەدەل جەتۋىنە سەبەپ بولىپ تۇر. ايتپەسە، كىم بىلەدى؟ دارىگەرلەر ۋاقىت وتكىزگەندە بالا امان قالماۋى مۇمكىن ەدى دەگەندى دە ايتادى. شۇكىر بالام قازىر جانساقتاۋ بولىمىنەن پالاتاعا اۋىستىرىلدى. بارلىعى ءۇشىن راحمەت»، - دەيدى اناسى كۇنجامال قۇلعارينا.
ولار اكىمشىلىككە ارنايى بارىپ، العىس حات تاپسىرعان. وسى وقيعاعا قاتىستى وبلىستىق اكىمدىگىنىڭ باسپا ءسوز قىزمەتى قازىر جاعدايدىڭ بارلىعى باقىلاۋدا ەكەنىن ايتادى.
«جول- كولىك وقيعاسىنا شاقىرتىلعان جەدەل جاردەم قىزمەتىنىڭ 35 مينۋتتا جەتۋى ءسىز ءۇشىن قالاي؟
«ءىسساپاردان كەلگەننەن كەيىن اكىم بىردەن وسى وقيعاعا جاۋاپتى مامانداردى شاقىرتتى. وبلىس اكىمىنىڭ ورىنباسارى سارا نۇرقاتوۆا مەن وبلىستىق دەنساۋلىق ساقتاۋ باسقارماسىنىڭ باسشىسى اسەت قاليەۆكە بۇل ماسەلەنى تەز ارادا شەشۋدى تاپسىردى. كەلەسىدە مۇنداي جاعدايدىڭ بولماۋىن، قاداعالاۋدى جۇكتەدى. «جول- كولىك وقيعاسىنا شاقىرتىلعان جەدەل جاردەم قىزمەتىنىڭ 35 مينۋتتا جەتۋى ءسىز ءۇشىن قالاي؟» دەگەن سۇراقتى دەپارتامەنت باسشىسىنا قويدى»، - دەپ حابارلايدى وبلىستىق اكىمدىگىنىڭ باسپا ءسوز قىزمەتى.
قازىر جول- كولىك وقيعاسىنا تۇسكەن ەكى بىردەي پوليتسيا قىزمەتكەرى جانبولات قۇلعارين مەن التىنبەك دليموۆتىڭ دە جاعدايى جاقسى. پالاتاعا اۋىسقان ولار ەم قابىلداپ جاتىر. عاجايىپتارمەن عانا اتى شىعىپ جاتقان اكىمگە حالىق تاڭداي قاعۋ ۇستىندە.
nur.kz
