وڭتۇستىك قازاقستان وبلىسى مەن قىتايدىڭ شانشي پروۆينسياسى بايلانىستى نىعايتۋدا
بۇل - قىتاي تاراپىنان جاۋاپ رەتىندە جاسالىپ وتىرعان ساپار. سەبەبى، وڭتۇستىك قازاقستاندىق ىسكەر توپ ۇستىمىزدەگى جىلدىڭ قاڭتار ايىندا قىتاي حالىق رەسپۋبليكاسىندا ىسساپارمەن بولدى.
اتاپ وتكەن ءجون، شانسي - وقو ءۇشىن ستراتەگيالىق ماڭىزى زور ارىپتەس. وعان دالەل رەتىندە ىنتىماقتاستىق تۋرالى مەموراندۋمعا قول قويىلدى. پروۆينتسيانىڭ حالىق سانى - 40 ميلليون، سونىمەن قاتار مۇندا قىتاي بويىنشا ەڭ جوعارعى جالپى ايماقتىق ءونىم كورسەتكىشى تىركەلگەن - 160 ميلليارد ا ق ش دوللارى.
ەستەرىڭىزگە سالا كەتەيىك، اعىمداعى جىلدىڭ 18-25 -قاڭتار ارالىعىندا ينۆەستيتسيا تارتۋ ماقساتىندا وڭتۇستىك قازاقستان وبلىسىنىڭ ءبىر توپ دەلەگاتسياسى قىتاي حالىق رەسپۋبليكاسىنا ىسكەرلىك ساپارمەن باردى. ونىڭ شەڭبەرىندە شانشي، حىبي جانە شاندۋڭ پروۆينسيالارىنداعى ءىرى كاسىپورىندارىندا بولىپ، كەلىسسوزدەر جۇرگىزدى.
ەكى ەل اراسىندا قالىپتاسقان ەكونوميكالىق ىنتىماقتاستىقتى ودان ءارى دامىتۋ جانە ايماققا مەيلىنشە مول ينۆەستيتسيا تارتۋ ماقساتىمەن اعىمداعى جىلدىڭ قاراشا- جەلتوقسان ايلارىندا قىتاي مەملەكەتىندە و ق و كاسىپكەرلەرىنىڭ قاتىسۋىمەن كەڭ كولەمدى روۋد- شوۋ وتكىزۋ جوسپارلانۋدا.
وبلىستىق اكىمشىلىكتە بۇگىن وتكەن ەكىجاقتى كەلىسسوزدەر بارىسىندا شىمكەنتتە قازاقستان- قىتاي يندۋستريالدى ايماعىن اشۋ جانە قىتايلىق ينۆەستورلاردى وڭىرگە تارتۋ ماسەلەلەرى بويىنشا كەلىسىمگە قول جەتكىزىلدى.
شىمكەنتتە تاۋلى- شاحتالى كاسىپورىندارعا ارنالعان لوكوموتيۆتەردى جانە فوتوەلەكترلى ونىمدەر مەن كۇن ساۋلەسى ەلەكتروستانتسيالارىنا ارنالعان جابدىقتاردى شىعارۋمەن اينالىساتىن زاۋىتتاردى سالۋعا قاتىستى كەلەشەك جوسپارلار دا اڭگىمە ارقاۋىنا اينالدى.
كەزدەسۋ قورىتىندىسى بويىنشا پەكيندىك قازاق- قىتاي بىرلەسكەن ينۆەستيسيالىق كومپانياسى مەن «وڭتۇستىك» يندۋستريالدى ايماعى باسقارۋشى كومپانياسى» جشس اراسىندا ىنتىماقتاستىق جونىندە كەلىسىمگە قول قويىلدى.
قىتاي دەلەگاتسياسى و ق و- دا 6- قازانعا دەيىن بولادى. ول ارالىقتا «وڭتۇستىك» يندۋستريالدى ايماعى، «وڭتۇستىك» ارنايى ەكونوميكالىق ايماعى، ساۋدا- لوگيستيكالىق ورتالىعى جانە قازاقستان- تۇرىك يندۋستريالدى ايماعىنىڭ مۇمكىنشىلىكتەرىمەن تانىسادى، دەپ حابارلايدى و ق و اكىمى باسپا ءسوز قىزمەتىنەن.
