امەريكالىقتار الەمدەگى ەڭ مىقتى جاساندى جۇرەكتى جاساپ شىعاردى - كەسكىن
يىلگىش سيليكوننان جاسالعان جاساندى جۇرەك قاتتى ماتەريالدان جاسالعان كارديوپروتەزدەرگە قاراعاندا ىشىنە اۋانىڭ وتكىزىلۋىنە مۇمكىندىك بەرەدى. سونىڭ ارقاسىندا مۇشە كادىمگى جۇرەك ءتارىزدى جۇمىس ىستەيدى.
سىرتقى سورعى دەنە تىندەرىمەن حيميالىق رەاكتسياعا تۇسپەيتىن ماتەريالداردان جاسالعان. ونىڭ كومەگىمەن اۋا مەن سۇيىقتىق جاساندى جۇرەك ارقىلى وتەدى. پروتەز پلاستيكتىڭ جۇقا قاباتىمەن جابىلعان، بۇل ماتەريالداردىڭ اعىپ كەتۋىنە جول بەرمەي، تەرىنىڭ ءرولىن اتقارادى.
ءتورت كامەرادان تۇراتىن ادام جۇرەگىنە قاراعاندا، جاڭا اپپاراتتىڭ ەكى كامەراسى عانا بار. عالىمدار ولاردىڭ اراسىنداعى سۇيىقتىقتىڭ تۇراقتى ءوتىپ تۇرۋىنا سورعىعا اۋا كىرگىزۋ ارقىلى قول جەتكىزگەنى اتاپ وتىلەدى.
ازىرگە جاساندى جۇرەك مەديتسينالىق ماقساتتا پايدالانۋعا دايىن ەمەس. بۇل ادام دەنەسى تەمپەراتۋراسىنىڭ جاعدايىندا سيليكون كوپىرشىگى قاسيەتىنىڭ ازىرگە تۇسىنىكسىز بولۋىمەن تۇسىندىرىلەدى. بۇدان باسقا، وتكىزىلەتىن سۇيىقتىقتىڭ جىلدامدىعى ادام جۇرەگىنىڭ جۇمىسىنا تولىق سايكەس كەلمەي وتىر.
