باتىرحان شوكەنوۆ اتىنداعى قور ءانشىنى ەسكە الۋ قۇرمەتىنە بايقاۋ جاريالادى

جەڭىمپازدار 25- قاراشاعا بەلگىلەنگەن ءانشىنى ەسكە الۋ كونسەرتىندە ونەر كورسەتەتىن بولادى.

بايقاۋعا قاتىسۋ ءۇشىن وتىنىشتەر 1-5- قازان ارالىعىندا قابىلدانادى. بايقاۋعا كەز كەلگەن ەلدىڭ ازاماتى قاتىسا الادى.

«باتىرحان شوكەنوۆ اتىنداعى قور بايقاۋ جاريالاپ، ونىڭ جەڭىمپازى باتىردى ەسكە الۋعا ارنالعان كونسەرتتە ءان شىرقايتىن بولادى. الدىن الا بولجام بويىنشا، كونسەرتتىڭ كۇنى 25- قاراشاعا بەرلگىلەنىپ وتىر. الايدا ازىرگە مۇنىڭ ءبارى ناقتى ەمەس، سەبەبى دەمەۋشىلەر مەن جارناماشىلار جەتكىلىكسىز»، - دەيدى قور ديرەكتورى ولجاس بايقانوۆ.

بايقاۋعا قاتىسۋشىلاردىڭ جاسىنا شەك قويىلمايدى. ارنايى مۋزىكالىق ءبىلىمىنىڭ بولۋى دا مىندەتتى ەمەس. ىرىكتەۋدىڭ باستى تالابى: ارتىسكە ءتان قاسيەتتەردىڭ بولۋى.

بايقاۋعا قاتىسۋ ءۇشىن: تۇيىندەمە، 3 ساپالى سۋرەت، mp4, mov, avi فورماتتارىنداعى ۆيدەوجازبا - جولداۋ قاجەت. ۇيالى تەلەفونعا تۇسىرىلگەن ۆيدەوجازبا دا قابىلدانادى. ماتەريالداردى كەلەسى ەلەكتروندىق مەكەن جايعا جولداۋ كەرەك: remember.batyr@gmail.com.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى