قازاق بوكسشىلارى جارنامالىق روليكتەرگە تۇسە باستادى

ەندى قازاقستاندىق بوكسشىلار ءبىر جىل بويى كومپانيانىڭ جارناماسىن جاسايدى. ال مەكەمە ءبىر جىل بويى بوكسشىلاردىڭ بۇكىل شىعىنىن كوتەرەدى، دەپ حابارلايدى Bnews.kz.

Procter&Gamble  كومپانياسى كوپ جىلدان بەرى الەمنىڭ ءار مەملەكەتىندە ءوزىنىڭ جارنامالارىندا سپورتشىلاردى پايدالانىپ كەلەدى. ماسەلەن، الەمگە ايگىلى فۋتبولشىلار ليونەل مەسسي مەن مەتت حۋممەلس، جۇزگىش مايكل فەلپس، حوككەيشى حەنريك لۋندكۆيست، بياتلونشى ەميل سۆەنسەن، جەڭىل اتلەت الەكساندر شۋستوۆتىڭ كومپانيانىڭ جارناماسىن جاساپ جۇرگەنى بەلگىلى.

ال قازاقستاندا مۇنداي اكسيا العاش رەت قولعا الىنىپ وتىر. تاجىريبە رەتىندە كومپانيا ەلىمىزدىڭ بوكسشىلارىن تاڭداپ الىپتى. سەبەبى، بوكس قازاقستان حالقىنىڭ سۇيىكتى سپورت ءتۇرى.

حالىقارالىق ارەنالاردا ەلىمىزدىڭ نامىسىن جىرتىپ جۇرگەن سايىپقىراندارىمىزدىڭ الداعى ۋاقىتتا  Procter&Gamble  سۋسابىنىنىڭ جارناماسىن جاساعانىن كوزىڭىز شالسا، تاڭ قالماڭىز. جارنامالاردى مەرزىمدى باسىلىمداردان، كاتالوگتاردان، پوستەرلەردەن، باننەرلەردەن، عيمارات سىرتىنداعى جارنامالاردان، ءتىپتى، تەلەارنالاردان كورۋىڭىز ابدەن مۇمكىن.

قازاقستان بوكس قۇراماسىنىڭ كاپيتانى دانيار ەلەۋسىنوۆ قاتىسقان العاشقى جارنامالىق روليك الماتى قالاسىندا تۇسىرىلگەن. جۋىردا ارنايى PR- ناۋقان تەلەارنالار مەن عالامتور جەلىسىندە پايدا بولادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى