مۇعالىمدەر كۇنىنىڭ شىعۋ تاريحى
ال مەكتەپتىڭ جۇرەگى - ۇستاز ەكەنىن ءبارىڭىز دە جاقسى بىلەسىزدەر. مىنەكي، ءبىر جىلدى ءبىر اينالىپ مۇعالىمدەر كۇنى دە كەلىپ قالدى. ەندەشە ەلىمىز بەن جەرىمىزدىڭ، وركەنيەتىمىز بەن مادەنيەتىمىزدىڭ دامۋىنا مول ۇلەس قوسىپ جۇرگەن وسى ءبىر اسىل جانداردىڭ مەرەكەسى تۋرالى ازدى-كوپتى ماعلۇمات بەرۋدى ءجون كورىپ وتىرمىز.
العاش رەت «دۇنيەجۇزىلىك مۇعالىمدەر كۇنى» 1994-جىلدىڭ 5- قازانىندا تويلانعان. سودان بەرى بارلىق مەرەكەلىك كەش، مەكتەپشىلىك ءىس-شارالار ءدال وسى كۇنى اتالىپ كەلەدى. نەگىزى بۇل مەيرام 1965-جىلدان باستاپ كەڭەستىك سوتسياليستىك رەسپۋبليكالار وداعىندا بەسىنشى قازانعا بەكىتىلگەن بولاتىن. الايدا 1980-جىلدىڭ 1- قازانىندا ك س ر و- نىڭ جوعارعى كەڭەس پرەزيديۋمىنىڭ جارلىعى بويىنشا «مۇعالىمدەر كۇنى» قازان ايىنىڭ ءبىرىنشى جەكسەنبىسىنە قويىلدى. كەڭەس وداعى ىدىراعاننان كەيىن دە قازاقستان، ءازىربايجان، بەلورۋسيا، قىرعىزستان، لاتۆيا جانە ۋكراينا ەلدەرى بۇل مەرەكەنى قازان ايىنىڭ العاشقى جەكسەنبىسىندە تويلاپ ءجۇر.
سونىمەن قاتار مۇعالىمدەر كۇنىنىڭ تاعايىندالۋىنا 1966-جىلدىڭ 5- قازانىندا پاريجدە وتكەن مۇعالىمدەردىڭ مارتەبەسى تۋرالى ارنايى ۇكىمەتارالىق كونفەرەنسيا تاريحي نەگىز سالدى. ناتيجەسىندە يۋنەسكو مەن حالىقارالىق ەڭبەك ۇيىمىنىڭ وكىلدەرى «مۇعالىمدەردىڭ مارتەبەسىنە قاتىستى ۇسىنىستار» قۇجاتىنا قول قويدى.
مۇعالىمدەر كۇنى - ەڭ ەرەكشە مەرەكەلەردىڭ ءبىرى. وسى ورايدا massaget.kz سايتىنىڭ ۇجىمى ءبىلىم نارىمەن سۋسىنداتىپ جاتقان بارشا ءمۇعالىمدى كەلە جاتقان ءتول مەرەكەسىمەن شىن جۇرەكتەن قۇتتىقتايدى.
