استانادا تۇركى دۇنيەسى ادەبيەت ينستيتۋتتارى باسشىلارىنىڭ جيىنى وتەدى
بۇل تۋرالى حالىقارالىق تۇركى اكادەمياسىنىڭ باسپا ءسوز قىزمەتى حابارلادى.
تۇركى الەمىنىڭ ۇلتتىق عىلىم اكادەميالارى وداعى اياسىندا وتەتىن جيىندا قازاقستان رەسپۋبليكاسىنىڭ پرەزيدەنتى ن. ءا. نازاربايەۆتىڭ استانادا وتكەن تۇركى كەڭەسىنىڭ 5-سامميتىندە بەرگەن تاپسىرماسى بويىنشا قولعا الىنىپ جاتقان «اتالار ميراسى» عىلىمي جوباسى، سونىمەن قاتار «ورتاق تۇركى ادەبيەتى» وقۋلىعىنىڭ تۇجىرىمداماسى تالقىلانىپ، شەشىم قابىلدانادى. اتالعان جوبالاردى ىسكە اسىرۋ ءۇشىن ادەبيەت ينستيتۋتتارى اراسىندا ارىپتەستىك جونىندەگى كەلىسىمگە قول قويىلادى دەپ كۇتىلۋدە.
باس قوسۋعا ازەربايجان، قىرعىزستان، تۇركيا، تاتارستان جانە قازاقستان رەسپۋبليكالارىنىڭ ىرگەلى عىلىمي-زەرتتەۋ ۇيىمدارى باسشىلارى قاتىسادى.
