اق ايۋلار پوليارلىق ەكسپەديتسياسىنا قاۋىپ ءتوندىردى - كەسكىن
پوليارشىلار جەلىگە بوفورت تەڭىزىندە ويناپ جۇرگەن اق ايۋلار وتباسى تۇسىرىلگەن بەينەنى سالدى. ايۋلاردىڭ ءبىرى تەڭىزدەگى زەرتتەۋ كەمەسىنەن تارتىلعان كابەلدى بايقاپ، ءجۇزىپ كەلىپ ونىڭ ءدامىن كورمەككە ارەكەتتەندى.
پوليارشىلار اسا قۇندى جابدىقتارى ءۇشىن ۋايىمداپ، ايۋعا ايقايلاي باستاعان. ابىروي بولعاندا، جىرتقىشتىڭ كابەلگە قىزىعۋشىلىعى تەز جوعالىپ، تۇقىمداستارىنا قاراي كەتىپ قالدى. قۇنى 200 مىڭ دوللارلىق كابەل بۇلىنگەن جوق، دەپ جازادى epochtimes.ru.
