يممۋنيتەتتى كوتەرەتىن سۋسىندار
سول كەسەلدەردىڭ كوپشىلىگى ادام اعزاسىنىڭ السىزدىگىنەن، يممۋنيتەتىنىڭ تومەندگىنەن جۇعاتىنى نەمەسە پايدا بولاتىنى بەلگىلى. ال، يممۋنيتەتتى قالاي كوتەرۋ كەرەكتىگىن قاراپايىم ادامدار بىلە بەرمەيدى.
دارىگەرلەردىڭ ايتۋىنشا، ادام يممۋنيتەتىن كوتەرۋدىڭ ەڭ ءتيىمدى ءتاسىلى - جەمىس- جيدەكتىڭ شىرىنىن كۇندەلىكتى تۇتىنۋ. جەمىس پەن كوكونىستەردىڭ شىرىنىن ۇزبەي ءىشۋ ءتۇرلى اۋرۋدىڭ الدىن الىپ، اس قورىتۋعا كومەكتەسەدى.
نازارلارىڭىزعا يممۋنيتەتكە پايدالى سۋسىنداردى ۇسىنامىز.
1. ءسابىز شىرىنى. ءسابىز سۋسىنى ءدامدى جانە ارزان. ونىڭ قۇرامىندا ۆ توبىنداعى دارۋمەندەر، س دارۋمەنى، ناتريي، كاليي، فوسفور، تەمىر بار. ءسابىز شىرىنى باۋىرىڭىزدىڭ جاقسى جۇمىس جاساۋىنا اسەر ەتەدى.
2. قىزىلشا سۋسىنى. ونى كوبىنە الما نەمەسە ءسابىز سۋسىندارىمەن ارالاستىرىپ ىشكەن دۇرىس. الايدا قىزىلشا سۋسىنىنىڭ ەمدىك قاسيەتى ەرەكشە. ونىڭ قۇرامىندا كالتسيي، تەمىر، مارگانەتس، حلورلى كاليي، س دارۋمەنى سەكىلدى پايدالى زاتتار بار. قىزىلشا سۋسىنى قانىڭىزدى تازالاپ قانا قويماي، ميىڭىزدىڭ دا دۇرىس جۇمىس ىستەۋىنە دە كومەكتەسەدى. قىزىلشا سۋسىنىڭ كوبىنە شىعارماشىلىق جولىندا جۇرگەن ادامدار ءسۇيىپ ىشەتىن كورىنەدى.
3. ليمون سۋسىنى. ليمون سۋسىنىنىڭ قۇرامىندا س دارۋمەنى جانە انتيوكسيدانتتار وتە كوپ. ءدامى قىشقىل بۇل سۋسىندى كۇندە تۇتىنۋ ادامنىڭ بويىنا سەرگەكتىك سىيلايدى. ءبىر ستاقان ليمون سۋسىنىنىڭ ءوزى ءسىزدىڭ يممۋنيتەتىڭىزدى كوتەرە الادى.
4. بروككولي سۋسىنى. قىزىلشا سۋسىنى سياقتى بۇل سۋسىندى دا باسقا شىرىندارمەن ارالاستىرىپ ءىشۋ كەرەك. ايتپەسە دەنساۋلىعىڭىزعا زاقىم كەلۋى مۇمكىن. قۇرامىندا يممۋنيتەتتى الدەندىرەتىن كۇكىرت، كالي جانە ۆ1 مەن س دارۋمەندەرى بار. سونىمەن قاتار بروككولي سۋسىنى بەلوكتارعا باي. بۇل سۋسىندى كوبىنە سپورتشىلار ىشەدى.
5. مۇكجيدەك سۋسىنى. بۇل سۋسىندى ارالاستىرۋدىڭ قاجەتى جوق. ويتكەنى ول ونسىزدا ءتاتتى. قۇرامىندا س دارۋمەنى مەن مىقتى انتيوكسيدانتتار بار. يممۋنيتەتىڭىزدى نىعايتۋعا كومەكتەسەدى.
6. كيۆي سۋسىنى. ىشىندە سالماسى بار ۇلپىلدەك جەمىس ءسىزدى جۇرەك اۋرۋلارىنان قۇتقارادى. سونىمەن قاتار يممۋنيتەتىڭىزدى ا، س، ە، ك دارۋمەندەرىمەن بايىتىپ، الدەندىرەدى. جانە ول وتە ءدامدى.
7. الما شىرىنى. الما شىرىنىنىڭ پايداسى ونىڭ قۇرامىندا اعزانىڭ يممۋندى كۇشىن ارتتىراتىن ا، ۆ، جانە س دارۋمەندەرىنىڭ مول بولۋىندا. الما شىرىنىنىڭ قۇرامىندا سونىمەن قاتار، بيوتين، پانتوتەن جانە فوليي قىشقىلى بار. سوڭعىسى شاش پەن تىرناقتى قاتايتىپ، جاقسى اسەر ەتەدى. ونىمەن قوسا، الما شىرىنى تەمىر، ماگنيي جانە فوسفور بىرىككەن مينەرالدى زاتتارعا باي. بۇل كەرەمەت شىرىندى ءجيى ءىشىپ تۇراتىن بولساڭىز، ۇزاق جىلدار بويى ەستە ساقتاۋ مەن ينتەللەكتۋالدى قابىلەتىڭىزگە شاعىمدانبايتىن بولاسىز.
8. كوك شاي. كوك شايدىڭ قۇرامىندا ۆيرۋستاردى جوياتىن گاللات جانە ەپيگاللوكاحەتين اتتى حيميالىق قوسىندىلار بار. سوڭعى زەرتتەۋلەرگە سۇيەنەتىن بولساق، كوك شاي ءتىپتى قاتەرلى ىسىكتىڭ دە الدىن الادى ەكەن.
islam.kz
