الماتى اكىمى مۇعالىمدەردى ىنتالاندىرۋدىڭ جاڭا جۇيەسىن ۇسىندى - فوتو
ونلاين رەجىمدە وتكەن جيىنعا قالاداعى 201 مەكتەپتىڭ ۇجىمى قاتىستى.
قالا اكىمى باۋىرجان بايبەكتىڭ ايتۋىنشا، قالانىڭ ءبىلىم بەرۋ جۇيەسىندە قازىر 27 مىڭنان استام ۇستاز ەڭبەك ەتىپ ءجۇر. ولاردىڭ ىشىندە 1000 عا جۋىق مۇعالىم التىنسارين اتىنداعى توسبەلگى مەن ق ر ءبىلىم بەرۋ ءىسىنىڭ ۇزدىگى مەدالىنىڭ يەگەرى. ال 13 مۇعالىم قازاقستان رەسپۋبليكاسىنىڭ ەڭبەك سىڭىرگەن قايراتكەرى اتاعىن العان.
«ەلىمىزدە ءبىلىم بەرۋ سالاسىنىڭ دامۋىنا بارىنشا جاعداي جاسالىپ جاتىر. ەلباسى نۇرسۇلتان نازاربايەۆتىڭ تاپسىرماسىمەن ءبىلىم بەرۋ باعدارلاماسى جۇزەگە اسىپ كەلەدى. مەملەكەت باسشىسى مۇعالىمدەردىڭ ماتەريالدىق احۋالىنا دا كوپ ءمان بەرىپ كەلەدى. 2016 -جىلدان باستاپ مۇعالىمدەردىڭ جالاقىسى 44 پايىزعا كوتەرىلەدى. سوڭعى 3 جىلدا قالانىڭ ءبىلىم بەرۋ سالاسىنا بولىنەتىن قارجى 20 پايىزعا ارتتى. بيىل بۇل سوما 54,5 ملرد تەڭگەنى قۇرادى. سوڭعى 5 جىلدا قالادا 46 ءبىلىم بەرۋ نىسانى بوي كوتەردى. ەل بولاشاعىنىڭ كىلتى بۇگىنگى جاستاردا. ءوز كەزەگىندە جاس ۇرپاق بويىنا ءبىلىم عانا ەمەس، ىزگىلىك نۇرىن سەۋىپ وتىرعان سىزدەرگە وسى ونلاين- كونفەرەنتسيا ارقىلى العىسىمدى بىلدىرگىم كەلەدى»، - دەدى باۋىرجان بايبەك جيىن بارىسىندا.
ءوز سوزىندە قالا باسشىسى بيىل 1500 پەداگوگ 150-300 مىڭ كولەمىندە ءبىر رەتتىك سىياقى العاندىعىن جەتكىزدى. وسى باعىتتا قالا بيۋدجەتىنەن 320 ميلليون تەڭگە قاراستىرىلعان.
قالا باسشىسى مۇعالىمدەردى ىنتالاندىرۋدىڭ ۇجىمدىق ۇلگىسىن ۇسىندى.
«ەڭ ۇزدىك مەكتەپتەردى ماراپاتتاۋدى ۇسىنامىن. ياعني، ەگەر مەكتەپتىڭ ۇجىمى قانداي دا ءبىر جەتىستىككە جەتسە، سول مەكتەپتىڭ ۇجىمىنىڭ اراسىندا قالا بيۋدجەتىنەن بولىنگەن 320 ميلليون تەڭگەنى جالاقىسىنا كوەففيتسيەنت رەتىندە ەسەپتەپ بەرۋ كەرەك. ەگەر، قوسىمشا قارجىلاندىرۋ كەرەك بولسا، ءبىز ونى دا قاراستىرىپ كورەمىز. ول باسقا مەكتەپتەرگە ۇلگى بولادى. نەگە ول مەكتەپ ۇزدىك بولدى؟ قانداي جەتىستىگى بار؟ سوعان باسقالارى دا ۇمتىلاتىن بولادى»، - دەدى ب. بايبەك.
№178 -فيزيكا- ماتەماتيكالىق ليتسەي مەن كوپ پروفيلدى كوللەدج ستۋدەنتتەرى ونلاين رەجىمدە بايلانىسقا شىعىپ، ءوز پىكىرلەرى مەن قۇتتىقتاۋلارىن جەتكىزدى.
اۆتور: گۇلميرا عوسمانالي
