تەڭگە باعامى وزگەرگەننەن كەيىن استانادا باسپانا باعاسى قانداي بولدى

قازاقستاننىڭ قۇرىلىس سالۋشىلار اسسوتسياتسياسى(ق س ا) ديرەكتورى اسلان تۇكيەۆ ءار شارشى مەتردىڭ ورتاشا قۇنى شامامەن 20 پايىزعا قىمباتتاعانىن ايتتى.

«شارشى مەتردىڭ باعاسى نىسانعا، نىساننىڭ ورنالاسقان جەرىنە، قۇرىلىس جاعدايلارىنا بايلانىستى. مۇنىڭ ءبارى ءاربىر شارشى مەتردىڭ قۇنىنا اسەر ەتەدى. دەگەنمەن بۇل سيفرلاردى ورتالاساق، ق س ا بولىمشەسىنىڭ مالىمەتىنشە، ەركىن اۋىتقۋ باعامىنا وتكەنگە دەيىن سول جاعالاۋداعى ورتاشا ەكونوم- كلاستىڭ شارشى مەترى 192-200 مىڭ تەڭگە ارالىعىندا بولعان. ەركىن اۋىتقۋ باعامىنا وتكەننەن كەيىن قۇرىلىس ماتەريالداردىڭ باعاسىنىڭ وسۋىنە بايلانىستى شارشى مەتردىڭ قۇنى دا وسكەن.

تەك شەتەلدىك قۇرىلىس ماتەريالدار عانا ەمەس، وتاندىق وندىرۋشىلەر دە تەڭگەنىڭ قۇنسىزدانۋىنا ەش قاتىسى بولماسا دا ونىمدەرىن قىمباتتاتىپ وتىر. قازىر ءبىز مۇنىمەن كۇرەسىپ جاتىرمىز. وكىنىشكە وراي، سوندا دا باعا ءوستى. ءبىزدىڭ مالىمەتىمىزشە، قىمباتتاۋ شامامەن 20 پايىزعا بولدى، ياعني 230 مىڭ تەڭگەگە دەيىن ءوستى. بۇل جوبالارعا بايلانىستى، كەي جەرلەردە بۇل سيفر ازداۋ بولسا، كەي جەرلەردە كەرىسىنشە كوپتەۋ»، - دەدى ول و ق ك بريفينگى بارىسىندا.

تۇكيەۆ اسسوتسياتسيا مۇشەلەرىنىڭ قۇرىلىستى ىسكە اسىرۋ، تولەماقى كەزدەرىندە دوللاردان باس تارتۋدى ۇيعارىپ وتىرعانىن ايتتى.

«قۇرىلىس سالۋشىلاردىڭ بارلىعى جىلجىمايتىن مۇلىكتىڭ ەكىنشى سەكتورىنىڭ وكىلدەرى، ولار قۇرىلىستى جۇزەگە اسىرۋ كەزىندە دوللاردى پايدالانادى. بۇل، ارينە، وكىنىشتى. اسسوتسماتسيانىڭ جاڭا ۇستانىمى بويىنشا، ءبىز ۆاليۋتالىق ساياساتتا قاتەلىكتە جىبەرمەۋ. قازىرگى زاڭناماعا سايكەس، رەسمي اۋدارىمدار تەڭگەمەن جۇرگىزىلۋى كەرەك، دەگەنمەن ولار مۇنى دوللارمەن جاساپ وتىر. باستاپقى نارىققا كەلەتىن بولساق، ق س ا- نا كىرەتىن كومپانيالاردىڭ توبىندا بۇل ماسەلە شەشىلدى. تەڭگە ارقىلى تولەم جاسالىپ جاتىر. ءبىز ۇكىمەتتى قولداي وتىرىپ، باسقا قۇرىلىس سالۋشىلارعا ۇلگى بولىپ وتىرمىز دەپ ويلايمىن»، - دەدى ول.

ءوز كەزەگىندە استانا اكىمىنىڭ ءبىرىنشى ورىنباسارى سەرگەي حوروشۋن 2016 -جىلى باسپانا باعاسى كوتەرىلە مە دەگەن سۇراققا ازداعان وزگەرىستىڭ بولاتىنىن ايتىپ جاۋاپ بەردى.

«قازىرگى كەزدە مەملەكەتتىك باعدارلاما اياسىندا سالىنعان نىسانداردىڭ باعاسى بۇرىنعىشا قالدى. ەسكى ۇيلەر مەن اپاتتىق ۇيلەرگە قاتىستى سىنامالى جوبالاردىڭ اياسىندا سالىنعان نىسانداردىڭ دا باعاسى وزگەرگەن جوق. ارى قاراي نارىق شەشەدى. ازداعان وزگەرىس بولۋى مۇمكىن، دەگەنمەن باسپانا باعاسى كەنەتتەن كوتەرىلىپ كەتەدى دەپ ويلامايمىن»، - دەدى ول.

ايتا كەتەيىك، قازاقستان بيىل 20 -تامىزدا تەڭگەنىڭ ەركىن اۋىتقۋ باعامىنا ءوتتى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى