نۇرسۇلتان نازاربايەۆتىڭ باستامالارى امەريكا ساراپشىلارىنىڭ قىزىعۋشىلىعىن تۋعىزدى
وسىنداي ويىمەن ا ق ش- تا ءىسساپاردا جۇرگەن ساياساتتانۋشى سانجار بوقايەۆ ءبولىستى.
ءبىرقاتار جوسپارلى كەزدەسۋ بارىسىندا ول بەلگىلى ساراپشىلاردىڭ وي- پىكىرىمەن جەكە تانىسۋعا مۇمكىندىك الدى.
«شىن مانىندە، قازاقستان باسشىسىنىڭ يدەيالارى ەۋرازيا مەن ورتا ازيا ايماعىن زەرتتەپ جۇرگەن ساراپشىلاردىڭ اراسىندا ۇلكەن قىزىعۋشىلىق تۋعىزدى. بۇعان دەيىن دە بۇۇ مودەلىنىڭ ەسكىرگەندىگىن كوپ ساراپشى ايتىپ كەلگەن بولاتىن. نازاربايەۆتىڭ ويلارى بارلىق ۇيىمدى قايتا قالىپتاستىرۋ كونتەكسىندە ولارعا قىزىقتى بولىپ كورىندى. قازاقستان باسشىسىنىڭ سوزىنەن «الەمدى جاڭعىرتۋ» تۋرالى اڭعارعان ساراپشىلار كوپ بولدى. ياعني، ونىڭ يدەياسى قازىرگى زاماندا قالىپتاسقان الەمدىك ءتارتىپتى وزگەرتۋ تۋرالى بولدى. بۇۇ ساراپشىلارى ايماقتىق قاقتىعىستاردى وڭتايلى شەشەتىن قازاقستاننىڭ ب ۇ ۇ قاۋىپسىزدىك كەڭەسىنە قاتىسۋىن وڭ باعالاپ وتىر»، - دەدى س. بوقايەۆ.
ايتا كەتۋ كەرەك، قىركۇيەكتىڭ 29 ىندا ەل پرەزيدەنتى نۇرسۇلتان نازاربايەۆ ب ۇ ۇ 70 جىلدىق مەرەيتويىندا قازاق تىلىندە بايانداما جاسادى. ءوز سوزىندە ول 2045 -جىلعا دەيىنگى جاھاندىق دامۋ جوسپارىن قۇرۋدى ۇسىندى.
سونداي- اق، ەلباسى ب ۇ ۇ باس اسسامبلەياسىنىڭ 70- سەسسياسىنىڭ تريبۋناسىنان ۇلتتىق الەمدىك ۆاليۋتانىڭ قۇرىلۋى مەن تەرروريزمگە قارسى كۇرەستىڭ ءبىرىڭعاي الەمدىك جەلىسىن قۇرۋ ماسەلەلەرىن تىلگە تيەك ەتتى.
ن. نازاربايەۆ جاھاندىق داعدارىسپەن كۇرەستى قازىرگى كەزدە زاڭدىلىق، دەموكراتيالىق، باسەكەلەستىك، تيىمدىلىك جانە حالىقارالىق باقىلاۋ ۇستانىمدارىنا ساي كەلمەي وتىرعان ەميسسيا (اقشا شىعارۋ) مەن الەمنىڭ رەزەرۆتىك ۆاليۋتالارى اينالىمىن رەتتەۋدەن باستاۋ قاجەت ەكەندىگىن اتاپ ءوتتى.
اۆتور: گۇلميرا عوسمانالي
