قازاقستاندىق ساراپشىلار رەسەيدىڭ سيرياعا سوققى جاساۋىنا قاتىستى پىكىر ءبىلدىردى

ساياساتكەرلەردىڭ ويىنشا، رەسەي وپپوزيتسياعا دا سوققى جاسايتىن بولادى.

سيريالىق وپپوزيتسيا ماسكەۋدى قاراپايىم حالىقتىڭ ولىمىنە كىنالادى. ولار اۋە سوققىلارى يسلام مەملەكەتىنىڭ جاۋىنگەرلەرىنە ەمەس، بەيبىت ادامدارعا جاساعانىن مالىمدەدى. بومبالاۋ سالدارىنان كەمىندە 65 ادام قازا بولعان.

ۆلاديمير پۋتين باراك وبامامەن كەلىسسوزدەر ءساتتى ءوتتى دەپ مالىمدەگەندە ەشكىم بۇل نە ماعىنا بەرگەنىن تۇسىنبەگەن بولاتىن. بەلگىلى بولعانداي، پۋتين سيرياداعى سوعىسقا رەسەيدىڭ ارالاسۋى تۋرالى كەلىسسوزدەردى ءساتتى اياقتاعان. پۋتين ب ۇ ۇ تريبۋناسىنان تەرروريزم قاۋپى تۋرالى ايتقاندا، پرەزيدەنت باشار اساد يسلام مەملەكەتىمەن كۇرەسۋگە اسكەري كومەك سۇرايتىن حات جولداعان بولاتىن. بۇل ءوتىنىشتى پۋتين تەز ارادا ورىنداعان.

«رەسەي ءوز كۇشىن جاريا ەتىپ، يسلام مەملەكەتىنە اۋەدەن سوققىلار جاساۋعا كىرىستى. ءبىراق تەك يسلام مەملەكەتىنە عانا ەمەس. ولار وپپوزيتسياعا دا سوققى جاسايتىن بولادى. رەسەي كەز كەلگەن ادىستەرمەن اسادتىڭ رەجيمىن ساقتاعىسى كەلەدى.  بۇل رەسەيدىڭ ەڭ سوڭعى تىرەك نۇكتەسى، تۇسىنەسىز بە؟ ول جەردە رەسەيلىك بازالار بار»، - دەيدى ساياساتكەر سەيداحمەت قۇتتىقادام.

پۋتيننىڭ ا ق ش- پەن بىرىگە وتىرىپ، يسلام مەملەكەتىنە قارسى شىعۋى، اسادتىڭ قارسىلاستارىنىڭ اراسىندا دۇربەلەڭ تۋدىردى. سيريالىق وپپوزيتسيا اۋە سوققىلارىنان كەمىندە   65  ادام، ونىڭ ىشىندە 6 بالا قازا بولعانىن مالىمدەۋگە اسىقتى.

الەمدىك قاۋىمداستىقتىڭ ماسكەۋدىڭ بۇل قادامىنا كوزقاراسى الدەقايدا سابىرلى بولدى.

پارلامەنت سەناتىنىڭ دەپۋتاتى، بۇرىنعى قورعانىس ءمينيسترى مۇحتار التىنبايەۆ رەسەيدىڭ ارالاسۋى زاڭ شەڭبەرىندە جۇزەگە استى دەپ سانايدى.

«ءبارى زاڭ شەڭبەرىندە بولدى. سەبەبى سيريا مەملەكەتىنىڭ باسشىسى باشار اساد رەسەيدەن كومەك سۇرادى. سول سەبەپتى مۇنداي شەشىم قابىلداندى. تەك اۆياتسيا عانا جۇمىس ىستەيدى. ول ءۇشىن شتاب قۇرىلادى، قۇرىلىپ تا ۇلگەرگەن شىعار؟ اتالمىش شتاب بەيبىت تۇرعىنداردىڭ زارداپ شەكپەۋىن قاداعالاپ وتىرادى»، - دەيدى مۇحتار التىنبايەۆ.

بۇگىندە ازاماتتىق سوعىستان كوز اشپاي وتىرعان سيريانىڭ كورىنىسى وسىنداي.

nur.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى