بىشكەكتە ورتا ازياداعى ەڭ ۇلكەن مەشىت بوي كوتەرۋدە
قىرعىزستان تاۋەلسىزدىگىن العان جىلداردان بەرى تۇركيا رەسپۋبليكاسىمەن، تۇركيا ءدىن ىستەرى باسقارماسىمەن جانە تۇركيا ءدىني قورىمەن تىعىز قارىم - قاتىناس جۇرگىزىپ كەلەدى.
بۇل جايىندا تۇركيا ءدىن ىستەرى باسقارماسى ءدىني قىزمەت كورسەتۋ جونىندەگى بىشكەكتەگى ورتالىعىنىڭ كەڭەسشىسى ورحان گەنچ ءمالىم ەتتى.
«وسى ۋاقىت ارالىعىندا قىرعىزستاندا بىرنەشە مەشىت بوي كوتەردى. قازىرگى ۋاقىتتا ءبىز ورتا ازياداعى ەڭ ۇلكەن مەشىتتى تۇرعىزۋ ۇستىندەمىز. مەشىت ىرگەتاسى 2012 - جىلى قۇيىلدى. عيمارات وسمان ۇلگىسىندە بولماق» دەدى ول.
«قۇرىلىسقا جەرگىلىكتى جانە تۇركيادان جەتكىزىلگەن زاتتار قولدانىلادى. وسىعان بايلانىستى قۇرىلىس قارقىنى باياۋلاۋ جۇرۋدە. دەگەنمەن، مەشىتتى 2017 - جىلدىڭ قۇربان ايت مەرەكەسىنە دەيىن ىسكە قوسۋدى جوسپارلاپ وتىرمىز. مەشىت ەش كۇمانسىز قىرعىز ەلىنىڭ كورىكتى، سۇيىكتى ورنىنا اينالادى دەپ سەنەمىز. بۇل تۇركيانىڭ قىرعىز حالقىنا سىيلىعى بولماق. قۇرىلىس تولىعىمەن تۇركيا ەلىنىڭ قاراجاتىنا جۇرگىزىلەدى. وسى مەشىتتىڭ بوي كوتەرۋى تۇركيا مەن قىرعىز ەلىنىڭ باۋىرلاستىعىن ارتتىرادى» - دەدى ورحان گەنچ.
مەشىت كولەمى 35 گ ا اۋماقتى قامتيدى. وندا ءدىني قىزمەت كورسەتۋشى كونسۋلتاتۆيتىك ورگان جانە ءمۇفتيات عيماراتى دا قونىس تەپپەك. اتالمىش مەشىتتە ءبىر ۋاقىتتا 20 مىڭ مۇسىلمان ناماز وقيتىن بولادى.
http://ummet.kz/
