گولوۆكين مەن لەمە جەكپە-جەكتەن قانشا اقشا تابادى؟

باسىلىم تۇسپال بولۋ ءۇشىن كىشى مەيۆەزەردىڭ سوڭعى كەزدەسۋى، ياعني بەرتومەن جەكپە-جەگىن ۇسىندى. بۇل جەكپە-جەككە بارلىعى 400 مىڭ ترانسلياتسيا (ەڭ وپتيميستىك بولجام بويىنشا 550 مىڭ) ساتىپ الىنعان. الايدا ShowTime تەلەارناسىنىڭ ۇيىمداستىرۋشىلارى بۇل جەكپە-جەكتى ءساتسىز دەپ باعالادى. سەبەبى ول 40 ميلليون دوللار العان تەلەارنا ءۇشىن شىعىندى بولدى، بۇل سومانىڭ جارتىسى باس ۇيىمداستىرۋشى ەل حەيمونعا بەرىلدى. سونىمەن قاتار، ShowTime مەيۆەزەر مەن بەرتوعا مىندەتتى گونوراردى تولەۋگە ءماجبۇر بولدى - 32 جانە 4 ميلليون دوللار.

گولوۆكين مەن لەمە قانشا اقشا تابادى - ول قورىتىندى كورسەتكىشتەرگە بايلانىستى بولادى. امەريكا تەلەارنالارىنىڭ جۇلدىزدارىنا اينالىپ ۇلگەرگەن گولوۆكين مەن لەمە كىشى مەيۆەزەردىڭ سوڭعى كەزدەسۋىنەن باسىم تۇسە الا ما؟

ەسكە سالا كەتەيىك، داۆيد لەمە مەن گەننادي گولوۆكين 17- قازاندا نيۋ-يوركتەگى Madison Square Garden ارەناسىندا جۇدىرىقتاسادى. باسكە WBA (Super), IBO, WBC (Interim) جانە IBF چەمپيوندىق بەلبەۋلەرى تىگىلەدى. سونىمەن بىرگە، بۇل ەكى بوكسشىنىڭ دا PPV- داعى (اقىلى ترانسلياتسيا جۇيەسى) ءبىرىنشى كەزدەسۋى بولماق. كەزدەسۋدى «قازاقستان» تەلەارناسىنان تىكەلەي ەفيردە كورۋگە بولادى.

tengrinews.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى