پولشالىقتار سۋ پەرىسىن اۋلاپ الدى - كەسكىن
وندا اق كيىم كيگەن بىرنەشە ەر ادام بالىقتىڭ قۇيرىعىنا ۇقساس ەكى مەترلىك تىرشىلىك يەسىن سۋدان شىعارىپ جاتقانى كورسەتىلگەن. جۋرناليستەر مۇنى ناعىز سۋ پەرىسى دەپ اتادى.
وسىعان بايلانىستى مالىمدەمە جاساعان ۆارشاۆا مەرىنىڭ ورىنباسارى ياروسلاۆ يۋزۆياك بۇعان «پولشانىڭ سۋ ارۋى» دەگەن باعا بەردى، دەپ جازدى tvzvezda.ru.
«بۇگىن سيرەنالاردىڭ ءبىر توبىن تاپتىق. ولاردىڭ كارىزدىك جەلىلەرگە تۇسۋىنە ۆيسلاداعى سۋدىڭ ازدىعى اسەر ەتۋى مۇمكىن»، - دەدى ياروسلاۆ يۋزۆياك.
ونىڭ ايتۋىنشا، سۋ پەرىلەرىنە ەش قاۋىپ جوق. ولار ارنايى زەرتحاناعا ورنالاستىرىلدى.
الايدا، پولشانىڭ وزگە ءبىرقاتار ب ا ق- تارىندا بۇل بيلىك وكىلدەرىنىڭ جەلتوقسان ايىندا وتەتىن مادەني فەستيۆال اياسىندا ۇيىمداستىرعان ءازىل-قالجىڭدارى ەكەنى جازىلدى. ب ا ق ماتەريالدارىنا سۇيەنسەك، فەستيۆالعا دەيىن تۇرعىنداردى الداعى ۋاقىتتا وسى سىندى تالاي توسىن سىي كۇتىپ تۇر.
