دەنيس تەن جاڭا ماۋسىمعا جاڭا باعدارلاما دايىنداپ جاتىر - كەسكىن
بۇل تۋرالى سپورتشىنىڭ «ۆكونتاكتە» جەلىسىندەگى رەسمي پاراقشاسى حابارلادى.
«مەن ءارتىس ەمەسپىن. مۇز ايدىندا دا شىن كەلبەتىممەن ونەر كورسەتىپ كەلەمىن. وسىعان دەيىن جۇرت الدىندا كورسەتىپ كەلگەن جارىستاعى باعدالامالارىمدا بەتپەردە كيىپ، قانداي دا كەيىپكەردى سومداعان ەمەسپىن. وزىمە جوعارى ماقسات قويىپ، سوعان جەتۋ جولىندا تالپىنامىن»، - دەيدى ول.
دەنيس تەن ۇستانىمدارى تۋرالى عانا ايتا كەتپەي، جاڭا ماۋسىمداعى جاڭا باعدارلاماسى تۋرالى دا جازدى.
«وتكەن جىلعى «كارۋزو» مەن «جىبەك جولى» ەركىن باعدارلامالارىم ارقىلى قايتا تۋىلعانداي بولدىم. ال بۇل ماۋسىمعا دا ەرەكشە باعدارلاما دايىنداپ جاتىرمىن. ەكى باعدارلاما دا ماۋسىم سوڭىنا قاراي ءوزىم العا قويعان بيىگىنەن كورىنەدى دەگەن سەنىمدەمىن. قىسقا باعدارلاما وڭايلاۋ بولسا، ەركىن باعدارلاما كۇردەلىلەۋ»، - دەدى.
قازاقستاندىق مانەرلەپ سىرعاناۋشى قازىر ا ق ش- تاعى «Toyota Sports Center» كەشەنىندە دايىندالۋدا. ازداپ جاراقاتىنا بايلانىستى جاتتىعۋىن توقتاتا تۇرعانى تۋرالى دا جازدى. سونداي-اق كانادانىڭ بارري قالاسىندا وتەتىن «Autumn Classic» تۋرنيرىنە قاتىسپايتىنىن حابارلادى.
دەنيس تەن ازىرگە كۇزدە ەكى گران-پري تۋرنيرىنە قاتىسۋدى جوسپارلاپ وتىر. ونىڭ ءبىرى - «Skate America» دوداسى بولسا، ەكىنشىسى - «Trophée Bompard».
«Skate America» گران-پري دوداسى 23-25- قازان ارالىعىندا ا ق ش- تىڭ ميلۋوكي قالاسىندا وتەدى. جارىسقا برەندان كەرري (اۆستراليا)، حان يان (قىتاي)، فلوران اموديو (فرانسيا)، تاكاحيتو مۋرا (جاپونيا) جانە سەما ۋنو (جاپونيا) سىندى سپورتشىلار قاتىسۋعا ءوتىنىش بەرگەن. ال بوردوداعى (فرانسيا) «Trophée Bompard» گران-پري تۋرنيرى قاراشانىڭ 13-15- ارالىعىندا وتەدى. بۇل جارىسقا دەنيستەن وزگە پاتريك چان (كانادا)، دايسۋكە مۋراكامي (جاپونيا)، سەما ۋنو (جاپونيا)، ماكسيم كوۆتۋن (رەسەي) جانە فلوران اموديو (فرانسيا) قاتىسادى دەپ جوسپارلانعان، دەپ جازادى massaget.kz.
