اقسۋات اۋىلىنداعى الىپ اسىق
ول قازاقتىڭ ۇلتتىق ويىنى - اسىق ويناۋدى دارىپتەپ، جەكە كوللەكسياسىنا جيناعان اسىعىن 35 مىڭنان (ون جەتى جارىم مىڭ قويدىڭ اسىعى) اسىرىپ، گيننەستىڭ رەكوردتار كىتابىنا جازدىرعان بولاتىن. قازىر جەكە قورىنداعى اسىعى 50 مىڭعا جۋىقتاپ قالدى.
ەسكەرتكىشتىڭ اشىلۋ سالتاناتىندا تارباعاتاي اۋدانىنىڭ اكىمى دىلدابەك ورازبايەۆ يگىلىكتى ءىستىڭ تانىمدىق- تاربيەلىك مانىنە توقتالدى.
- بۇل - ۇلتتىق سالت- ءداستۇرىمىزدىڭ قايتا ورالۋىنىڭ جارقىن كورىنىستەرىنىڭ ءبىرى. اسىق ويناۋ جاس ۇرپاقتىڭ دەنەسىن شىنىقتىرىپ قانا قويماي، ونى مەرگەندىك، ۇستامدىلىق، جىلدامدىق، ەپتىلىك قاسيەتتەرىنە تاربيەلەيدى. بالانىڭ جۇيكە جۇيەسىن شىڭداپ، ءتىلىن دامىتىپ، ويدا ساقتاۋ قابىلەتىن جەتىلدىرەدى. ارينە، اسىققا ارنالعان ەسكەرتكىشتەر ەلىمىزدىڭ كوپتەگەن جەرلەرىندە كەزدەسەدى. دەگەنمەن، ءدال مۇنداي الىپ ەسكەرتكىش باسقا جەردە جوق ەكەن. سوندىقتان، اۋدانىمىزدىڭ، ءوڭىرىمىزدىڭ، ەلىمىزدىڭ اسىعى ءاردايىم الشىسىنان ءتۇسسىن دەگىم كەلەدى، - دەدى اۋدان اكىمى.
الىپ اسىقتىڭ سالماعى - 17 توننا. ەسكەرتكىشتىڭ سالتاناتتى اشىلۋىنان سوڭ مەكتەپ وقۋشىلارى اسىق اتۋدان ىرعىزباي دوسقانا ۇلى اتىنداعى جۇلدە ءۇشىن ءتورتىنشى رەت ۇيىمداستىرىلعان «التىن اسىق-2015» تۋرنيرىنە قاتىسىپ، شەبەرلىكتەرىن سىناستى. ايتا كەتكەن ابزال، تارباعاتاي اۋدانى وبلىس كولەمىندە وتەتىن حالىقتىق سپورت ويىندارى سپارتاكياداسىندا بيىل بەسىنشى مارتە جەڭىمپاز اتانعان بولاتىن.
دۋمان اناش، «ەگەمەن قازاقستان» . شىعىس قازاقستان وبلىسى، تارباعاتاي اۋدانى.
