پرەزيدەنت نۇرسۇلتان نازاربايەۆتىڭ كورەگەندىگىن قاتتى باعالايمىن - قىتاي ساراپشىسى

ماڭىزدى عالامدىق باستامالاردى ۇنەمى حالىقارالىق قاۋىمداستىقتا ورتاعا سالاتىن «پرەزيدەنت بۇل جولى دا تىڭ يدەياسىمەن شىقتى»، - دەيدى قىتايلىق ساراپشىلار.

ەلباسىنىڭ كەدەيشىلىكپەن كۇرەسۋگە بارلىق مەملەكەتتەردىڭ اسكەري شىعىندارىنىڭ %1 ىن ءبولۋ تۋرالى ۇسىنىسى قۇپتارلىق.

اسىرەسە، ن. نازاربايەۆتىڭ بىرىككەن ۇلتتار ۇيىمىنىڭ شتاب-پاتەرىن ازياعا كوشىرۋ باستاماسى وسى ايماقتىڭ دامۋىنا الەمدىك قاۋىمداستىقتىڭ نازارىن اۋداردى، - دەيدى ەۋرازيالىق عىلىمي زەرتتەۋ جانە دامۋ ينستيتۋتى باسشىسىنىڭ ورىنباسارى يان شيانحۋڭ.

يان شيانحۋڭ، ەۋرازيالىق عىلىمي زەرتتەۋ جانە دامۋ ينستيتۋتى باسشىسىنىڭ ورىنباسارى:

- قازاق ەلى باسشىسىنىڭ بۇل باستاماسى قىتايلىق اقپارات قۇرالدارىندا قىزۋ تالقىلاندى. مەن پرەزيدەنت نۇرسۇلتان نازاربايەۆتىڭ كورەگەندىگىن قاتتى باعالايمىن. وسى جولعى ب ۇ ۇ باس شتابىن كوشىرۋ تۋرالى يدەياسى وتە اۋقىمدى ماسەلەلەردىڭ ءبىرى دەر ەدىم. سونداي-اق بۇل ۋاقىت تالابىنان تۋىنداعان ماسەلە دەپ ويلايمىن. ويتكەنى XXI عاسىردى ازيانىڭ عاسىرى دەپ ايتىپ جاتادى. بولاشاققا كوز تاستاساق ازيا قاي جاعىنان بولماسىن ەكونوميكالىق جاڭا قۇرىلىم جاساۋعا ابدەن مۇمكىندىگى بار ءىرى ايماق. وسى تۇرعىدان الىپ قاراساق، پرەزيدەنت نازاربايەۆ باستاماسىىنىڭ وزىندىك نەگىزى بار.

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى