ەلباسىنىڭ ب ۇ ۇ- داعى وتكىر ۇسىنىستارى
ەلباسى نۇرسۇلتان نازاربايەۆتىڭ ب ۇ ۇ- نىڭ مەرەيتويلىق سەسسياسىندا سويلەگەن سوزدەرىن ۇسىنامىز.
قازاقستان حالىقارالىق قاتىناستارداعى ءوزارا سەنىمدى قالپىنا كەلتىرۋگە، حالىقارالىق قۇقىقتىڭ نەگىزىندە بەيبىتشىلىك پەن قاۋىپسىزدىكتى نىعايتۋعا باعىتتالعان بارلىق باستامالاردى قولدايدى.
مەن جەر بەتىندەگى وركەنيەت تاياۋداعى وتىز جىلدا سوعىستار مەن قاقتىعىستاردىڭ شيەلەنگەن ءتۇيىنىن دانالىقپەن تارقاتۋ ءۇشىن كۇش- جىگەر تابا الاتىنىنا سەنىمدىمىن.
1. ХХІ عاسىردا ادامزاتتىڭ ەڭ باستى مىندەتى الەمدى سوعىس قاتەرىنەن مۇلدە ارىلتاتىن جانە ونىڭ سەبەپتەرىن جوياتىن ستراتەگيانى جۇزەگە اسىرۋ بولۋعا ءتيىس.
2. بىرىككەن ۇلتتار ۇيىمىنىڭ 100 جىلدىعىنا جاھاندىق ستراتەگيالىق باستاما - 2045 جوسپارىن ازىرلەۋدى ۇسىنامىن. ونىڭ ءمانى - الەمدىك دامۋدىڭ جاڭا ترەندىن قالىپتاستىرۋ.
3. مەن بىرىككەن ۇلتتار ۇيىمىنىڭ ەكونوميكالىق جانە الەۋمەتتىك كەڭەسىن جاھاندىق دامۋ كەڭەسىنە اينالدىرۋدى ۇسىنامىن.
3. جوباسى استانا ەكونوميكالىق فورۋمى اياسىندا قىزۋ تالقىلانىپ كەلە جاتقان داعدارىسقا قارسى دۇنيەجۇزىلىك جوسپار يدەياسى وتە وزەكتى بولىپ كورىنەدى.
4. الەمدى الاڭداتىپ وتىرعان تەرروريزم، مەملەكەتتەردىڭ كۇيرەۋى، كوشى- قون جانە وزگە دە كەلەڭسىز قۇبىلىستار ەكونوميكالىق داعدارىستىڭ، كەدەيشىلىكتىڭ، ساۋاتسىزدىق پەن جۇمىسسىزدىقتىڭ سالدارلارى.
5. ХХІ عاسىردا الەمگە ساپالىق تۇرعىدان جاڭا قارجى قۇرالدارى كەرەك. وسى ورايدا، جاھاندىق ورنىقتى دامۋ مەن ءوسىپ- وركەندەۋدىڭ ماقساتتارى مەن مىندەتتەرىنە ساي كەلەتىن ۇلتۇستىلىك الەمدىك ۆاليۋتا قاجەت.
6. حيروسيما مەن ناگاساكيدى اتوم قارۋىمەن بومبالاۋدان سوڭ 70 جىل وتكەندە يادرولىق قارۋسىز الەم قالىپتاستىرۋ ءىسىن ادامزاتتىڭ ХХІ عاسىرداعى باستى ماقساتى ەتۋگە شاقىرامىن.
7. ب ۇ ۇ- نىڭ يادرولىق قارۋدان ازات الەمگە قول جەتكىزۋ جونىندەگى جالپىعا ورتاق دەكلاراتسياسىن قابىلداۋدى ۇسىنامىن.
8. جاھاندىق انتيادرولىق قوزعالىس قۇرۋ ماڭىزدى مىندەت بولىپ وتىر. جەر بەتىندەگى ءاربىر ادام يادرولىق سىناقتارعا تىيىم سالۋ ىسىنە ءوز ۇلەسىن قوسا الادى.
9. سانكسيالاردى ب ۇ ۇ- نىڭ جارعىسى مەن حالىقارالىق قۇقىق نورمالارىنا قايشى كەلەتىن ارەكەت رەتىندە باعالاپ، ولاردىڭ ءوز بەتىمەن قولدانىلۋىن بولدىرماۋ قاجەت.
10. ميلليونداعان ادامداردىڭ يگىلىگىنە اسەر ەتەتىن حالىقارالىق سانكتسيالار قولدانۋ قۇقىعى قاۋىپسىزدىك كەڭەسىنىڭ ەرەكشە قۇزىرىندا بولۋعا ءتيىس.
11. 2016-جىلى ب ۇ ۇ- نىڭ حالىقارالىق قۇقىقتىڭ ارقاۋلىق قاعيداتتارىن بەكىتۋگە ارنالعان جوعارى دەڭگەيدەگى حالىقارالىق كونفەرەنتسياسىن شاقىرۋدى ۇسىنامىن.
12. تەرروريزم مەن ءدىني ەكسترەميزمنىڭ قاۋپى جاھاندىق اۋقىمعا اينالىپ بارادى. ب ۇ ۇ- نىڭ قولداۋىمەن حالىقارالىق تەرروريزم مەن ەكسترەميزمگە قارسى تۇرا الاتىن ءبىرىڭعاي الەمدىك جەلى قۇرۋدى ۇسىنامىن.
13. بولاشاقتى ەسكەرىپ، «ەكسپو-2017» كورمەسى ينفراقۇرىلىمى نەگىزىندە استانادان ب ۇ ۇ- نىڭ قولداۋىمەن جاسىل تەحنولوگيالاردى جانە ينۆەستيتسيالىق جوبالاردى دامىتۋ جونىندەگى حالىقارالىق ورتالىق اشۋدى ۇسىنامىن.
14. ХХІ عاسىردا دامۋ ورتالىعى الەمنىڭ ەڭ ۇلكەن كونتينەنتى - عالامشار تۇرعىندارىنىڭ ۇشتەن ەكىسى مەكەندەيتىن، ءىرى رەسۋرستار شوعىرلانعان ازياعا قاراي ويىسادى.
15. ب ۇ ۇ- نىڭ شتاب- پاتەرىن ازياعا كوشىرۋ ماسەلەسىن ويلاستىرۋدى ۇسىنامىن. قازاقستاننىڭ باستامالارىن ۇلتتار قاۋىمداستىعى قابىلدايدى دەپ زور ءۇمىت كۇتەمىن.
"ەگەمەن قازاقستان" گازەتى
