ءانشى ديانا شاراپوۆا ارال تەڭىزىنىڭ تراگەدياسى تۋرالى بەينەبايان ءتۇسىردى - فوتو، كەسكىن

شىعارمانى ق ر مادەنيەت قايراتكەرى س. بايتەرەكوۆ جازعان.

كليپ سيۋجەتى بويىنشا ءانشى قۇرعاعان ارال ءتۇبىن زەرتتەۋدە، دەدى Mironov Entertainment اگەنتتىگىندە.

ءانشىنىڭ ايتۋىنشا، ارال ماڭى اۋداندارىندا بولعان اپتادا ءتۇسىرۋ توبىنا اۋىر ءتۇستى. ويتكەنى ولار ەكولوگيالىق تراگەديانىڭ اۋقىمىن كوردى.

كليپ پروديۋسەرى رومان ميرونوۆ ايتقانداي، نەگاتيۆتى عانا كورسەتپەي، كليپ «ۇمىتپەن» اياقتالادى. «ويتكەنى قازاقستان ب ۇ ۇ مەن دۇنيەجۇزىلىك بانكتىڭ كومەگىمەن ارال تەڭىزىن ساقتاپ قالۋ جانە ايماق تۇرعىندارىنىڭ ءومىرىن جاقسارتۋ ءۇشىن قوماقتى قارجى جۇمساپ جاتىر. 2005 -جىلى كوكارال بوگەتى سالىندى. بۇل ەلىمىز بەن حالىقارالىق ۇيىمداردىڭ بىرلەسكەن جەتىستىگى دەپ سانايمىن»، - دەدى ر. ميرونوۆ.

ەسكە سالا كەتەيىك، ارال تەڭىزى ماسەلەسىن ءانشى ديانا شاراپوۆا عانا ەمەس، سونىمەن قاتار الەمدىك جۇلدىزدار دا قوزعادى. Pink Floyd وتكەن جىلى Louder thanWords كومپوزيتسياسىنا قۇرعاعان ارال تۋرالى مۋزىكالىق ۆيدەونى تانىستىردى. سونىمەن قاتار گولليۆۋد اكتەرى لەوناردو دي كاپريو وزىنىڭ Twitter- دەگى پاراقشاسىندا ارال تەڭىزى تراگەدياسى تۋرالى پىكىرىن ايتىپ، ءشول ورتاسىنداعى كەمە قالدىعى كورسەتىلگەن فوتونى جاريالادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى