فۋتبول: «استانا» وتە مىقتى كوماندا جانە كەز كەلگەن ويىنشىسى جەكە كوزگە تۇسە بىلەدى - «گالاتاساراي» باپكەرى

تۇركيانىڭ «گالاتاساراي» كومانداسىن قابىلداعان «استانا» 2:2 ەسەبىندە ويىن كورسەتىپ، توپتاعى العاشقى ۇپايىنا يە بولدى.

«گالاتاساراي» فۋتبول كومانداسىنىڭ باس باپكەرى حامزا حامزاوعلى «استانا» وتە مىقتى كوماندا ەكەنىن مويىندادى.

«راسىمەن، ءبىرىنشى تايمدا ءبىز وتە جاقسى وينادىق. ءبىراق، ەكىنشى تايمدا «استانا» مۇلدە باسقاشا ويناي باستادى، ال ءبىزدىڭ ويىنشىلاردىڭ ىنتاسى جوعالا باستاعانداي. بالكىم، فۋتبوشىلارىمىز شارشاي باستاعان شىعار. مەن ويىنشىلاردى الماستىردىم، قورعانىستى كۇشەيتىپ، قارىمتا شابۋىل جاساۋعا شاقىردىم. ءبىراق، استانا دا قاراپ وتىرماي، وسى ناتيجەگە قول جەتكىزدى»، - دەيدى ح. حامزاوعلى.

«استانا» - مىقتى كوماندا ەكەن، توپپەن جاقسى ويناپ، جەكە سپورتشىلار دا كوزگە تۇسە بىلەدى. «استاناداعى» ءبىراز ويىنشى كەز كەلگەن ەۋروپالىق كوماندالاردا جانە ەۋروپا كۋبوكتارىندا ويناي الادى» - دەدى قازاق كومانداسىنىڭ ويىنىنا باعا بەرگەن تۇركيالىق باپكەر.

ايتا كەتەيىك، ۋ ە ف ا چەمپيوندار ليگاسىنىڭ «س» توبىندا ويناپ جاتقان «استانا» فۋتبول كلۋبى بۇگىن ءوز الاڭىندا ءبىرىنشى ماتچىن وتكىزىپ، «گالاتاساراي» كومانداسىمەن تەڭ ءتۇستى. قورىتىندى ەسەپ 2:2.

اۆتور: كەنجەكەي توقتامۇرات قىزى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى