تالدىقورعاندا وبلىس ەڭبەككەرلەرىنە قۇرمەت كورسەتىلدى - فوتو
قاراپايىم جۇمىسشىلاردىڭ ەڭبەگىن باعالاۋ، ولارعا قۇرمەت كورسەتۋ ماقساتىندا وتكىزىلگەن وسىناۋ شارا بارىسىندا ءوز ءىسىنىڭ ناعىز مامانى بولعان، وبلىستىڭ الەۋمەتتىك-ەكونوميكالىق دامۋىنا ەلەۋلى ۇلەس قوسقان ەڭبەك مايتالماندارى ۇلىقتالدى.
كەزدەسۋدە وبلىس اكىمى اماندىق باتالوۆ ەڭبەك ارداگەرلەرىنە ايماق ەكونوميكاسىنىڭ بەرىك ىرگەتاسىن قالاپ، ورىندارىنا لايىقتى ءىزباسارلاردى قالدىرىپ كەتكەنى ءۇشىن العىسىن ءبىلدىردى.
«كاسىبي مەرەكە -ەڭبەك كۇنىندە ەڭ ىزگى تىلەكتەرىمدى قابىل الىڭىزدار! ءبىزدى قورشاپ وتىرعاننىڭ ءبارى - ءاربىر ادامنىڭ كۇندەلىكتى، كەيدە كوزگە بايقالمايتىن، ءبىراق وتە ماڭىزدى جانە ورنىن اۋىستىرۋعا بولمايتىن ەڭبەگىنىڭ جەمىسى، بۇل مەرەكە كۇنى ءبىز حالىق پەن مەملەكەت يگىلىگى ءۇشىن ەڭبەك ەتكەن جانە جۇمىس ىستەپ وتىرعان بارلىق ادامدارعا ۇلكەن العىسىمىزدى ءبىلدىرىپ، قۇرمەت كورسەتۋ مۇمكىندىگىنە يە بولىپ وتىرمىز»، - دەدى وبلىس اكىمى ا. باتالوۆ.
مەرەكەلەۋ اياسىندا ەڭبەك جولىندا جوعارى ناتيجەلەرگە قول جەتكىزگەن بارلىق ادامداردى ماراپاتتاۋ ءراسىمى بولىپ ءوتتى. شارا بارىسىندا قاپشاعاي قالاسىنداعى ينتەرنات ۇيىندە ۇزاق جىلدار بويى كۇتۋشى بولىپ ەڭبەك ەتكەن ۆالەنتينا تروندينا، وبلىستىق ەڭبەك ينسپەكتسياسى ءبولىمىن باسقارىپ وتىرعان سەيسەنبەك ىڭكاربەكوۆ دەنساۋلىق ساقتاۋ جانە الەۋمەتتىك دامۋ مينيسترلىگىنىڭ «ەڭبەك ارداگەرى» مەدالىمەن ماراپاتتالدى.
سونداي-اق وبلىس اكىمىنىڭ «ەڭبەك اۋلەتى»، «ەڭبەك ارداگەرى» جانە «ءوز كاسىبىنىڭ ۇزدىگى» ءۇش اتالىمى بويىنشا قۇرمەت گراموتالارىمەن ماراپاتتاۋى ءوتتى.
كەزدەسۋ ءسۇيىنباي اتىنداعى وبلىستىق فيلارمونيانىڭ ۇزدىك انشىلەرى جانە شىعارماشىلىق ۇجىمدارىنىڭ قاتىسۋىمەن وتكەن مەرەكەلىك كونسەرتپەن اياقتالدى.
