ەلەكتروندىق ۇكىمەت پورتالى ارقىلى ەڭ كوپ كورسەتىلگەن قىزمەت ءتۇرى انىقتالدى

ياعني، وسى جىلدىڭ باسىنان باستاپ egov ارقىلى شامامەن 15,4 ميلليون انىقتاما بەرىلدى.

سۇرانىسقا يە كەلەسى قىزمەت - ول زەينەتاقى اۋدارىمدارى جانە جىلجىمايتىن مۇلىككە تىركەلگەن قۇقىقتار/اۋىرتپالىقتار تۋرالى انىقتاما. 2015-جىلى 2,6 ميلليوننان استام ادام وسىنداي انىقتامانى العان.

ەڭ كوپ كورسەتىلگەن قىزمەت ءتۇرىنىڭ قاتارىندا سونىمەن قاتار جىلجىمايتىن مۇلىكتىڭ بولۋى/بولماۋى تۋرالى انىقتاما - شامامەن 2,3 ميلليون رەت جانە سوتتىلىقتىڭ بولماۋى/بولۋى تۋرالى - 1 ميلليون اسا انىقتاما بەرىلدى.

«ىسكە قوسىلعان كەزەڭنەن باستاپ egov ارقىلى 108 ميلليوننان اسا قىزمەت كورسەتىلدى جانە سوڭعى 5 جىلدىڭ ىشىندە قىزمەتتەردى ەلەكتروندىق تۇردە الۋ 100 ەسەدەن ارتىق ۇلعايدى. قازىر پورتالعا 4,4 ميلليون پايدالانۋشى تىركەلدى»، - دەپ اتاپ ءوتتى ەلەكتروندىق قىزمەتتەردى باقىلاۋ باسقارماسىنىڭ جەتەكشىسى داۋلەت بەكمانوۆ.

ەلەكتروندىق ۇكىمەت پورتالىندا ازاماتتارعا 215 ونلاين قىزمەت پەن سەرۆيستەر قولجەتىمدى، ونىڭ 50 دەن ارتىعىن موبيلدىك قوسىمشا ارقىلى الۋعا بولاتىندىعىن ەستەرىڭىزگە سالامىز.

اۆتور: رۋسلان عابباسوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى