احمەتوۆ سوتىندا پروكۋرورعا قارسىلىق ءبىلدىردى
بۇل ەپيزود بويىنشا احمەتوۆكە، قاراعاندى وبلىسىنىڭ بۇرىنعى اكىمى باۋىرجان ابدىشيەۆكە، قاراعاندىنىڭ بۇرىنعى اكىمى مەيرام سماعۇلوۆقا، قالا اكىمىنىڭ بۇرىنعى ورىنباسارى ايدار تەلعارينگە، قالالىق جەر قاتىناستارى ءبولىمىنىڭ بۇرىنعى جەتەكشىسى ەرنار دارىبەكوۆكە «زاڭسىز كاسىپكەرلىكپەن اينالىستى جانە قاراعاندىدا ترانسپورتتىق-لوگيستيكالىق كەشەن قۇردى» دەگەن ايىپ تاعىلعان. ىستەگى باستى ايىپتالۋشى سەرىك احمەتوۆ بولىپ وتىر.
تەرگەۋ دەرەكتەرى بويىنشا، بىرنەشە جىل بۇرىن قۇرىلعان بۇل كەشەن «احمەتوۆتىڭ باقىلاۋىندا بولعان». تەرگەۋ ماتەريالدارىندا قاراعاندى اكىمدىگى «بىرنەشە جەر تەلىمىن جالعا بەرگەنى» ايتىلادى. سوتتالۋشىلار بۇل ايىپتى جوققا شىعارۋدا.
سوتتا تەرگەۋ توبىنىڭ جەتەكشىسىنەن دە جاۋاپ الىندى. سوتتالۋشى ەرنار دارىبەكوۆ پروكۋرورلاردىڭ بىرىنە قارسىلىق ءبىلدىردى. سۋديا يسلامحان ەسەنبايەۆ ونى قايتارىپ تاستادى.
قاراعاندىدا ءوتىپ جاتقان بۇل سوت پروتسەسى تامىزدىڭ 10 ى كۇنى باستالعان. سوتتا بارلىعى 21 ادامعا «قىزمەت بابىن تەرىس ماقساتتا پايدالانعان، «بيۋدجەت قارجىسىن جىمقىرعان» جانە «زاڭسىز كاسىپكەرلىكپەن اينالىسقان» دەگەن ايىپتار تاعىلىپ وتىر.
بۇلارعا قوسا، سەرىك احمەتوۆ «اسا ءىرى كولەمدە پارا العان» دەگەن كۇدىككە ىلىنگەن. سوت تىڭداۋى بارىسىندا سوتتالۋشىلاردىڭ كەيبىرەۋلەرى تەرگەۋ كەزىندە وزدەرىنە قىسىم جاسالعانى تۋرالى مالىمدەپ، كەيبىرى بۇعان دەيىنگى بەرگەن كۋالىكتەرىنەن باس تارتقان.
«ازاتتىق»
