قازاقستاندا كومىرقىشقىل رەسۋرستارىنىڭ الەۋەتى ءۇش ەسەگە ارتۋى ىقتيمال - ۇ. قارابالين

بۇل تۋرالى بۇگىن KAZENERGY ەۋرازيالىق فورۋمىندا ءسوز العان ق ر ەنەرگەتيكا ءمينيسترىنىڭ ءبىرىنشى ورىنباسارى ۇزاقباي قارابالين ءمالىم ەتتى.

«2013-جىلى ءبىزدىڭ ەلدىڭ جەتەكشى گەولوگ-مۇنايشىلار 15 باسسەين بويىنشا كوپ جىلدىق بارلاۋ جۇمىستارىن اياقتادى. بۇل قازاقستاندا تاۋەلسىزدىك جىلدارى جاسالعان العاشقى وسىنداي جۇمىس ەدى. ول گەولوگيالىق ادىستەر مەن تەحنولوگيالاردىڭ جاڭا ۇلگىلەرى ارقىلى جاسالدى. ناتيجەسى كەرەمەت بولدى. ول بويىنشا، قازاقستاندا كومىرقىشقىل رەسۋرستارىنىڭ الەۋەتى ءۇش ەسەگە ارتۋى ىقتيمال»، - دەدى ول.

ۆيتسە-ءمينيستردىڭ ءمالىم ەتكەنىندەي، مۇندا ەڭ ۇلكەن قىزىعۋشىلىق كاسپي ماڭى ويپاتىنا ءتۇسىپ وتىر. «ەۋرازيا» دەپ اتالىپ كەتكەن سول جوبانى زەرتتەۋدىڭ ەڭ العاشقى قىرلارى ەكى جىل بۇرىن ءدال وسى KAZENERGY فورۋمىندا ايقىندالىپ ەدى.

«جوسپاردىڭ ەلەمەنتتەرىنىڭ ءبىرى رەكوردتىق تەرەڭدىكتەگى 15 شاقىرىمدىق ۇڭعىما جاساۋ بولعان. قازىر ول جوبا جۇزەگە اسىپ جاتىر. جوبا بويىنشا قازاقستاندىق كوماندا جاساقتالدى. تاراپتار اراسىندا كەلىسسوزدەر جۇرۋدە. مەملەكەت تاراپىنان سالىقتىق جەڭىلدىكتەر تۇرىندە كومەك جاسالماق. ءبىز جوبانىڭ ءساتتى ورىندالاتىنىنا سەنەمىز. الەم تەرەڭ بۇرعىلاۋ تاجىريبەسىنە يە بولادى»، - دەپ اتاپ ءوتتى ءبىرىنشى ۆيتسە-مينيستر.

ونىڭ ءسوزى بويىنشا، ەلدە 10 جىل ىشىندە 50 دەن استام مۇناي كەنىشتەرى اشىلعان. ولاردىڭ جالپى وندىرىلەتىن قورىنىڭ كولەمى بۇگىندە 160 ميلليون توننانى قۇرايدى.

اۆتور: جاسۇلان جولدىبايەۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى