قازاقستان مەن يران تەڭىز تاسىمالى تۋرالى كەلىسىمگە قول قويادى

بۇل تۋرالى بۇگىن و ك ق بريفينگىندە ينۆەستيتسيالار جانە دامۋ مينيسترلىگى كولىك كوميتەتىنىڭ ءتوراعاسى اسەت اساۋبايەۆ ءمالىم ەتتى.

«تەڭىز تاسىمالىنا ءبىرىڭعاي قۇقىقتىق نەگىز كەرەك. سوندىقتان، يران تاراپىمەن ۇكىمەتارالىق كەلىسىمگە قول قويۋ كوزدەلىپ وتىر. وتكەن جىلى تۇركىمەنستان ەلىمەن تۋرا وسىنداي كەلىسىمگە قول قويعان ەدىك. سول ارقىلى قازاقستان تۇركىمەنستان مەن يران ارقىلى پارسى شىعاناعى باعىتىندا حالىقارالىق ءدالىز قۇرىپ، ترانزيتتىك الەۋەتىن كوتەردى. ناقتىراق ايتقاندا، تۇركىمەنستان مەر ازەربايجان ەلدەرىنە وتاندىق كومپانيالار 400 مىڭ توننا مۇناي تاسىمالدادى»، - دەپ اتاپ ءوتتى كوميتەت ءتوراعاسى.

اسەت اساۋبايەۆ ءمالىم ەتكەندەي، تۇركىمەنستان مەن يران ارقىلى پارسى شىعاناعىنا (وزەن-بولاشاق) جانە قىتايعا شىعاتىن (جەتىگەن-قورعاس) قوسىمشا جاڭا حالىقارالىق باعىتتىڭ اشىلۋى قازاقستاننىڭ ترانزيتتىك الەۋەتىن ارتتىردى. «اتالعان شەكارا وتكەلدەرى ارقىلى 5 ميلليون توننادان استام جۇك تاسىمالداندى»، - دەدى ول.

اۆتور: كەنجەكەي توقتامۇرات قىزى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى