قازمۇنايگاز مۇناي باعاسىنىڭ ءوسۋىن بولجاۋدا

«ارزان مۇناي ءداۋىرى ءوتىپ كەتكەندىگى تۇسىنىكتى، شىعىن دەڭگەيى ءبىر كۇنى باعانىڭ وسۋىنە دە ىقپال ەتەتىنى ءسوزسىز. مۇناي باعاسى سۇرانىس پەن ۇسىنىستىڭ تەپە- تەڭدىككە كەلۋ بارىسىندا ءالى جوعارىلايتىنى انىق. ءبىراق ول قاشان كەلەتىنى باسقا ماسەلە، بىزدىڭشە، تومەن باعالار جاعدايىنان تەز شىعا قويۋىمىز جاقىن ارادا بولمايدى. وسى بولجامداردى نەگىزگە الا وتىرىپ، ءبىز ءوزىمىزدىڭ ورتامەرزىمدى جوسپارلارىمىزدى، ينۆەستيتسيالىق باعدارلامامىزدى جاساۋدامىز»، - دەدى ول بۇگىن KAZENERGY ەۋرازيالىق فورۋمىندا.

ونىڭ حابارلاۋىنشا، «قازمۇنايگاز» بيىل ينۆەستيتسيالار كولەمىن 130 ميلليارد تەڭگەگە قىسقارتتى.

 «ءبىز ءۇشىن بۇل - وتە ۇلكەن سوما. ازىرگە ءبىز ءوندىرۋ كولەمىن ازايتقان جوقپىز. ءبىز وعان قالاي قول جەتكىزە الدىق، الدىمەن شىعىندارىمىزدى ءتيىمدى باسقارۋدى وڭتايلاندىرعانىمىز تۇسىنىكتى، سوعان قاراماستان، تيىمدىلىگىمىزدى، ۇزاقمەرزىمدى جوسپارلارىمىزدى دا ساقتاپ قالدىق. بۇل ءبىزدىڭ قولىمىزدان كەلدى»، - دەپ اتاپ ءوتتى س. مىڭبايەۆ.

 اۆتور: جاسۇلان جولدىبايەۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى