ءاليحان بايمەنوۆ: بالالارىنىڭ داۋىنان شەنەۋنىكتەردىڭ جۇمىستان شىعۋى - جاعىمدى تەندەنسيا
ناقتىراق ايتساق، بايمەنوۆ قازاقستاننىڭ ءى ءى م اكىمشىلىك پوليتسياسى كوميتەتىنىڭ ءتوراعاسىنىڭ ورىنباسارى باقىتجان بالتاشەۆتىڭ جانە وسىعان دەيىن ق ر پرەمەر-ءمينيسترىنىڭ كەڭسەسىندە جۇمىس ىستەگەن بولات تۋراگەلديەۆتىڭ جۇمىستان شىعىپ قالۋىنا قاتىستى ويىن ايتتى.
«بۇل مەملەكەتتىك قىزمەتكەردىڭ ەتيكاسىنىڭ ماسەلەسى. ارينە، ول ءوزىنىڭ كامەلەتكە تولعان بالالارى ءۇشىن قىلمىستىق نەمەسە اكىمشىلىك جاۋاپكەرشىلىككە تارتىلمايدى. ال ءبىراق ولار سوندا دا جۇمىستان كەتىپ جاتسا، ولار بۇل دەرەكتەردى وزدەرىنىڭ سونداي پوزيتسيالاردا جانە سونداي قىزمەتتەردە بولۋىمەن سىيىسپايتىنىن سەزەدى. ال جالپى، مۇنى جاعىمدى تەندەنتسيا دەپ قاراستىرۋعا بولادى، زاڭ جۇزىندە ول سول قىزمەتتە بولا وتىرىپ، قۇقىقتىق جاۋاپكەرشىلىككە تارتىلماسا دا، ءوزىنىڭ جاۋاپكەرشىلىگىن ءتۇسىنىپ، ءوز قىزمەتىنىڭ ماڭىزدىلىعىن ەسكەرسە جانە جوعارى مورالدىق- ادامگەرشىلىك تالاپتارعا ساي بولۋى كەرەكتىگىن ۇقسا»، - دەدى تىلشىگە بەرگەن سۇحباتىندا ءاليحان بايمەنوۆ.
مەملەكەتتىك قىزمەت سالاسىنداعى وڭىرلىك حابتىڭ باسقارۋشى كوميتەتىنىڭ باسشىسى مەملەكەتتىك قىزمەتكەردىڭ جالپى ەتيكاسىندا ولاردىڭ قۇقىققا، ازاماتتاردىڭ بوستاندىعىنا، قازاقستان زاڭدارىن ساقتاۋعا قۇرمەتپەن قاراۋدىڭ ۇلگىسىن كورسەتۋگە مىندەتتى ەكەنى ايتىلاتىنىن اتاپ ءوتتى. «مۇندا - بۇل ونىڭ جەكە شەشىمى، ال نەگىزى ول تۋىستارىنىڭ ارەكەتىنە جاۋاپ بەرەدى دەلىنەتىن زاڭ ەش جەردە جازىلماعان»، - دەپ ءتۇسىندىردى بايمەنوۆ.
سونىمەن قاتار، ول جۇمىستان كەتۋ تۋرالى شەشىمدى جاساۋعا الەۋمەتتىك جەلىلەر مەن بۇقارالىق اقپارات قۇرالدارىنىڭ ايتارلىقتاي رول اتقاراتىنىن دا ايتتى. «سوندىقتان، كوردىڭىزدەر مە، ولار ءوز قالاۋلارىمەن وتستاۆكاعا كەتتى»، - دەدى بايمەنوۆ باقىتجان بالتاشەۆ پەن بولات تۋراگەلديەۆ تۋرالى ايتا وتىرىپ. - مۇندا مەن جالپى جاعىمدى تەندەنسيانى بايقاپ وتىرمىن، ايتپاقشى، بۇل بۇقارالىق اقپارات قۇرالدارى مەن الەۋمەتتىك جەلىلەردىڭ اسەرىن كورسەتىپ وتىر، بۇل - جاھاندىق ترەند»، - دەدى مەملەكەتتىك قىزمەت ىستەرى جونىندەگى اگەنتتىكتىڭ ەكس- ءتوراعاسى.
«بۇل، ءوز كەزەگىندە، جوعارى لاۋازىمدى تۇلعالار مەن وكىلەتتى تۇلعالاردىڭ جانە مەملەكەتتىك قىزمەتكەرلەردىڭ تۋىستارى مەن بالالارىن ويلاندىرۋى ءتيىس. وسىنداي ءاربىر مىسال مەملەكەتتىك قىزمەتكەرلەرگە دە ساباق بولۋى كەرەك»، - دەدى ول.
ول قازىرگى ۋاقىتتا پارلامەنتتە «ق ر مەملەكەتتىك قىزمەت تۋرالى» زاڭ جوباسىنىڭ بار ەكەندىگىن ەسكە سالدى، ال وندا ەتيكا جونىندەگى قۇزىرلىلاردىڭ جاڭا پوزيتسياسى جازىلعان. جاڭا پوزيتسيانى زاڭ جوباسىنىڭ كونتسەپتسياسىنا ەنگىزۋ تۋرالى ۇسىنىس 2011 -جىلى- اق جاسالىپ قويعان.
«وسى ماقساتتا ءبىز مەملەكەتتىك ورگانداردا ەتيكا بويىنشا كەڭەسشىنى نەمەسە كوميسساردى قۇرۋ كەرەك دەپ ءوز كەزىندە ۇسىنىس جاسادىق. ءبىرقاتار ەلدە مۇنداي جاعدايلار مەملەكەتتىك ورگانداردىڭ ۇجىمدارىندا ارنايى قارالادى، سەبەبى ولار ءوز ىستەرى ءۇشىن قانداي جاۋاپكەرشىلىك ارتاتىنىن ءتۇسىنۋى كەرەك. ال ءوز كەزەگىندە بالالارى مەن تۋىستارى وزدەرىنىڭ وسىنداي ارەكەتتەرىمەن اياقتان شالاتىنىن جانە جارعا جىعاتىنىن تۇسىنەدى»، - دەپ ءتۇسىندىردى بايمەنوۆ.
ەتيكا بويىنشا وكىلەتتىنىڭ فۋنكتسياسى ناقتىلى ءبىر وسىنداي جاعدايلاردى عانا شەشۋگە ەمەس (مەملەكەتتىك قىزمەتكەرلەردىڭ تۋىستارىنىڭ داۋى بولعان جاعدايلار - اۆت. )، سونىمەن قاتار، قانداي دا ءبىر سىبايلاس جەمقورلىق ورىن العان جاعدايلاردى دا شەشۋگە باعىتتالادى. بۇل، بايمەنوۆتىڭ ايتۋىنشا، الدىن الۋ- تاربيە شاراسى. ول قازىرگى ۋاقىتتا قولدانىلىپ جۇرگەن مەملەكەتتىك قىزمەتكەردىڭ ەتيكاسىندا قاۋلىلار مەن نورمالار جەتكىلىكتى جانە ونى كەڭەيتۋدىڭ ءمانى جوق.
«قانداي جاعداي بولسا دا ەتيكالىق نورما بولادى، سەبەبى ءاربىر ادام مەملەكەتتىك قىزمەتكەردىڭ ۇستانىمدارىن ۇعۋى كەرەك، سونداي قۇندىلىق پايدا بولۋى كەرەك، ۇلگىلى ءتارتىپتىڭ قۇندىلىعى»، - دەپ اياقتادى ءسوزىن مەملەكەتتىك قىزمەت سالاسىنداعى وڭىرلىك حابتىڭ باسقارۋشى كوميتەتىنىڭ ءتوراعاسى.
ەسكە سالايىق، كەشە استانادا توي كورتەجىمەن بولعان داۋدان ءى ءى م اكىمشىلىك پوليتسياسى كوميتەتىنىڭ باسشىسىنىڭ ورىنباسارى باقىتجان بالتاشيەۆ جۇمىستان كەتتى. كورتەج بالتاشەۆتىڭ ۇلىنىڭ ۇيلەنۋ تويىنا بايلانىستى جالدانعان. سونىمەن قاتار، ق ر پرەمەر-ءمينيسترىنىڭ كەڭسەسىنىڭ باس ينسپەكتورى بولات تۋراگەلديەۆتىڭ بالاسىنىڭ استاناداعى كينوتەاترلاردىڭ بىرىندە جاساعان تەرىس قىلىعى شەنەۋنىكتىڭ جۇمىستان شىعۋىنا سەبەپ بولعان ەدى.
