فرانسۋا فييون: مۇناي - قازاقستان ءۇشىن ۇلكەن باقىت قانا ەمەس، ۇلكەن سىناق
بۇل تۋرالى ول بۇگىن KAZENERGY ەۋرازيالىق فورۋمىندا ءمالىم ەتتى.
«قازاقستان - باقىتتى مەملەكەت. سەبەبى جەر قويناۋى وتە باي. قازاقستان ۋران ءوندىرىسى بويىنشا كوشباسشى سانالادى. الەم بويىنشا مۇناي قورى باي مەملەكەتتەردىڭ ۇشتىگىنە ەنەدى. ەكسپورتىنىڭ 60 پايىزى مۇناي بولىپ تابىلادى. بۇل - وتە جاقسى مۇمكىندىك. ول - سونىمەن قاتار ۇلكەن سىناق. مۇناي باعاسى قازىرگى ۋاقىتتا باررەلىنە 35 دوللارعا دەيىن قۇلدىرادى. مەملەكەتكە قىسقا ۋاقىتتىڭ ىشىندە بەيىمدەلۋى ءتيىس. ەكسپو-2017 كورمەسىن وتكىزۋ دە وسىعان بايلانىستى. ونىڭ ۇرانى - بولاشاق ەنەرگياسى. ول وسى ترانسفورماتسيانى قالاي وتكىزۋ كەرەك دەگەن ساۋالعا جاۋاپ ىزدەپ تۇرعانداي. قازاقستان 85 پايىز ەنەرگيانى جەر قويناۋى بايلىعى ەسەبىنەن الادى، دەگەنمەن بولاشاقتا ترانسفورماتسيا جاساۋعا ۇلكەن مۇمكىندىگى بار»، - دەپ اتاپ ءوتتى ف. فييون.
ونىڭ سوزىنە قاراعاندا، ترانسفورماتسيا قازاقستاندا باستالىپ كەتكەندىگىن ەرەكشە اتاپ ءوتتى. ەندى ونىڭ قانشالىقتى ءساتسىز وتكەندىگىن بولاشاقتا باعالاۋعا بولادى.
«ەۋروپادا ترانسفورماتسيا ۇدەرىسى ءساتسىز بولدى. 2008 -جىلعى داعدارىس ونى بىزگە انىق اڭعارتتى. ەكونوميكامىز تولىعىمەن قۇلدىراپ كەتتى دەۋگە بولادى. دەگەنمەن، ۋاقىت وتە كەلە ءبىز بەيىمدەلە باستادىق. كومىرقىشقىل گازىنىڭ اۋاعا زياندى زاتتاردىڭ تارالۋى ازايىپ كەلەدى. ساياسات تا ءبىزدىڭ شىعىندارىمىزدى قىسقارتۋعا ارنالعان ناقتى تەتىكتەردى جاساپ كەلەدى. ءبىزدىڭ شەشىمدەرىمىز بەن تاڭداۋلارىمىزدىڭ گەوساياسي اۋقىمى مەن ونىڭ نەگىزگى باعىتتارىن وزگە ەلدەرمەن دە جۇرگىزۋىمىز كەرەك. ەۋروپا مەن ازيانىڭ قارىم- قاتىناسى دامي تۇسەدى. وسى تۇرعىدا قازاقستان - ازياداعى ءبىزدىڭ باسىمدىققا يە ارىپتەستەرىمىزدىڭ ءبىرى»، - دەيدى ساياساتكەر.
اۆتور: جاسۇلان جولدىبايەۆ
