الماتى- قاپشاعاي كۇرە جولىنىڭ ءۇش ۋچاسكەسىندە قۇرىلىس جۇمىستارى جۇرگىزىلىپ جاتىر
الماتى وبلىسى اكىمدىگىنىڭ باسپا ءسوز قىزمەتىنەن حابارلاعانداي، الماتى- قاپشاعاي كۇرە جولىنداعى قۇرىلىس جۇمىستارى ءۇش ۋچاسكەدە جۇرگىزىلىپ جاتىر. جولدىڭ 14-35 شاقىرىمدارىندا قالپىنا كەلتىرۋ جۇمىستارىن باس مەردىگەر «ك- دورستروي» جۇرگىزۋدە، جۇمىستاردىڭ قۇنى 13089,6 ميلليون تەڭگەنى قۇراپ وتىر. 2015 -جىلى 7737 ميلليون تەڭگە يگەرىلمەك.
ەكىنشى جولدىڭ 45-77 شاقىرىمدارىنداعى قالپىنا كەلتىرۋ جۇمىستارىمەن باس مەردىگەر ««نايزا- قۇرىلىس كونسەرنى» اق اينالىسۋدا، كەلىسىمشارت باعاسى 20389,44 ميلليون تەڭگەنى قۇراپ وتىر، 2015 -جىلى 6776,79 ميلليون تەڭگە يگەرىلمەك. بۇل رەتتە 5 جول وتپەسى، 2 كوپىر، 1 مال وتەتىن جول وتكەلى، 3 جەراستى وتپە جولى سالىنادى. كۇرە جولدى جوندەۋگە جۇمىلدىرىلعان تەحنيكانىڭ سانى 240 بىرلىكتى قۇراپ وتىر، ال تەحنيكالىق قىزمەتكەرلەر سانى - 362 ادام.
77-118 شاقىرىمدار ارالىعىندا قۇرىلىس جۇمىستارىن باس مەردىگەر «Todini Central Asia» ج ش س جۇرگىزىپ وتىر. الماتى- قاپشاعاي كۇرە جولىنىڭ 63 شاقىرىمىندا 6 جولاقتى جول سالىنادى، قالعان 41 شاقىرىمدا 4 جولاقتىعا وزگەرتىلمەك. جولعا تەحنيكالىق كاتەگوريانىڭ نورماتيۆتەرى بويىنشا سەمەنت- بەتوندىق توسەمە سالىنادى. اسفالت- بەتوننان سالىناتىن قاپشاعاي- تالدىقورعان كۇرە جولىندا جۇمىستار 6 ۋچاسكەدە جۇرگىزىلۋدە. جالپى العاندا، 2015 -جىلدىڭ قورىتىندىلارى بويىنشا الماتى- تالدىقورعان باعدارىمەن كۇرە جولىنىڭ 94 شاقىرىمى پايدالانۋعا ەنگىزىلىپ، الماتىدان تالدىقورعانعا دەيىن كولىك قۇرالدارىنىڭ ءبىر جولاقپەن ۇزدىكسىز ءجۇرۋى قامتاماسىز ەتىلەدى.
«باتىس ەۋروپا- باتىس قىتاي» حالىقارالىق اۆتوموبيل ءدالىزىنىڭ ۋچاسكەسىندە اعىمداعى جىلى تسەمەنت- بەتون قاباتى توسەلگەن ەكى باعىتتاعى كۇرە جولدىڭ 150 شاقىرىمىندا قوزعالىس اشىلادى. جۇمىستاردىڭ تولىق اياقتالۋى 2016 -جىلعا جوسپارلانعان. كۇرە جولداردى بۇرىنعى قالپىنا كەلتىرۋ جوبالارىنا جول- قۇرىلىس تەحنيكاسىنىڭ شامامەن 2,5 مىڭ بىرلىگى جانە 6 مىڭ ادام جۇمىلدىرىلعان. الماتى وبلىسىندا بۇل حالىقارالىق كۇرە جولىنىڭ ۇزاقتىعى 462 شاقىرىمدى قۇرايدى.
جالپى العاندا، بۇكىل قازاقستان بويىنشا 2015 -جىلى 2173 شاقىرىم جولداردى قالپىنا كەلتىرۋ جۇمىستارى جۇرگىزىلىپ وتىر، سونىڭ ىشىندە جىل قورىتىندىلارى بويىنشا 667 شاقىرىمدا قوزعالىس اشىلىپ، 578 شاقىرىم جول تۇراقتى پايدالانۋعا بەرىلمەك.
