كوكسۋ قانت زاۋىتى العاشقى ونىمدەردى قابىلدادى

اقسۋ اۋدانىنان دا جەتكىزىلەتىن كۇن جاقىن.

 ءونىمنىڭ العاشقى لەگىن سالتاناتتى قابىلداۋ بارىسىندا ورتالىق قانت كورپوراتسياسىنىڭ ديرەكتورى گالينا بايمۇرزايەۆا اگرارشىلاردى قۇتتىقتادى. ول زاۋىتتىڭ جوسپارلانعان 100-120 توننا شيكىزاتتى قابىلداۋعا ءازىر ەكەندىگىن جانە 12 مىڭ توننا قانت الىناتىندىعىن، ال شارۋالارعا نەبارى ءۇش كۇننىڭ ىشىندە قاراجات تولەنەتىندىگىن جەتكىزدى.

وبلىس اگرارشىلارى ءوز كەزەگىندە كورسەتىلگەن مەملەكەتتىك قولداۋ مەن كومەككە ريزاشىلىقتارىن ءبىلدىردى. سونداي- اق ولار ءونىم قابىلداۋ بارىسىنىڭ تياناقتى ۇيىمداستىرىلعاندىعىن اتاپ ءوتتى. ەندى ەڭ باستىسى، قىزىلشا قانتتىلىعىنىڭ جوعارى بولۋى.

اتاپ وتكەن ءجون، بۇگىن وزدەرىنىڭ العاشقى ونىمدەرىن ەسكەلدى اۋدانىنداعى «حيلنيچەنكو ي ك» سەرىكتەستىگىنىڭ جانە سارقان اۋدانى باقالى اۋىلىنىڭ مەملەكەتتىك كومەكتىڭ ارقاسىندا بيىل 25 گەكتار جەرگە قىزىلشا ەككەن «اق قۇدىق» شارۋا قوجالىعىنىڭ ديقاندارى اكەلدى.

 بۇلار ءار گەكتاردان 700-750 سەنتنەردەن ءونىم الۋدى جوسپارلاۋدا. ونىڭ ۇستىنە اۋداندا 730 گەكتارعا قانت قىزىلشاسى ەگىلدى. ورتاشا ونىمدىلىك 300-350 دەڭگەيىندە جوسپارلانىپ وتىر. ال زاۋىتقا 20 مىڭ توننا شيكىزات جەتكىزىلمەك. اقسۋ اۋدانىندا 860 گەكتارعا قىزىلشا وسىرگەن 61 شارۋا قوجالىعىنىڭ كولىكتەرى دە جولدا كەلەدى. بۇل اۋداندا ءار گەكتارىنان 250-300 سەنتنەردەن ءونىم الۋ جوسپارلانۋدا.

  قىزىلشا جيناۋ ناۋقانىن قاراشىلىكتەگى «مۇرات ارمان» جانە ويتوعان اۋىلىنداعى «ماتاي» شارۋاشىلىقتارى العاشقىلاردىڭ ءبىرى بولىپ باستادى.

 قازىرگى ۋاقىتتا ەگىس تاناپتارىندا ونىمدىلىگى جوعارى كومبايندار توقتاۋسىز ءونىم جيناپ جاتسا، ارنايى ساتىپ الىنعان كاماز جۇك كولىكتەرى زاۋىتقا شالعاي اۋدانداردان شيكىزاتتار تاسىپ جاتىر. 

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى