قازاقستان تەلەارناسىنداعى «پاتەر داۋى» - فوتو
10 -قازان كۇنى تەلەارنادا «جاڭا قونىس» كومەديالىق سيتكومىنىڭ تۇساۋكەسەرى وتەدى، دەپ حابارلادى ۇلتتىق ارنانىڭ باسپا ءسوز قىزمەتى.
تەلەحيكايانىڭ نەگىزگى سيۋجەتتىك جەلىسى ۇلكەن قالادا پاتەر جالدايتىن وتباسىنىڭ باستان كەشكەن قىزىقتى وقيعالارى. حيكايا كەيىپكەرلەرىنىڭ باسىنان وتكەن وقيعالار كەز كەلگەن كورەرمەنگە تانىس جاعداي. كۇندەلىكتى تۇرمىستاعى كەلىسپەۋشىلىكتەر وڭ قىرىنان كورسەتىلىپ، كورەرمەندەرگە تانىس قىزىقتى وقيعالار كەز كەلگەن جاندى كۇلدىرەرى انىق. كەيىپكەرلەردىڭ وبرازىنان كورەرمەندەرىمىز وزدەرىن كورە الادى! حيكايانى جاساۋشىلار باس كەيىپكەرلەردىڭ باسىنان وتكەن قىزىقتى وقيعالار كوپشىلىكتىڭ كوڭىلىنەن شىعىپ، حيكايا كورەرمەندەردىڭ جۇرەگىن جاۋلايدى دەپ ۇمىتتەنەدى.
12 سەريا بارىسىندا ءبىز قاراپايىم اۋىلدان ۇلكەن قالاعا قونىس اۋدارعان مىرزاحانوۆتار وتباسى مۇشەلەرىنىڭ ارەكەتتەرىن باقىلايمىز.
وتباسىلىق قاراجاتتارى وزدەرىنە جەكە پاتەر ساتىپ الۋعا جەتپەگەندىكتەن، ولار ۋاقىتشا پاتەردى جالداپ تۇرۋعا شەشىم قابىلدايدى. حيكايا بارىسىندا مىرزاحانوۆتار ءتۇرلى قارجىلىق قيىندىقتارعا ۇشىراپ، پاتەردى جالعا الۋ ۇزاققا سوزىلسا، ءوز پاتەرىن ساتىپ الۋ تۋرالى اسقاق ارمان جىل سايىن الىستاي تۇسەدى. ناتيجەسىندە، قالادا ولار تۇرماعان اۋدان قالمايدى.
مىرزاحانوۆتارعا تۋعان اۋىلعا قايتا كوشىپ، شارۋاشىلىقپەن اينالىسىپ، بەرەكەگە كەڭەلۋگە دە بولار ەدى. الايدا، قالانىڭ كوپتەگەن قيىندىقتارىنا قاراماستان، وعان نامىستارى جىبەرمەيدى. ەڭبەك تەرىمەن تاپقان- تايانعانىن پاتەر يەسىنە بەرەدى. قالاداعى تۇرمىستارىن جالعاستىرىپ، ءوز شاڭىراقتارىنا قول جەتكىزۋدى ارماندايدى.
حيكايانىڭ ەپيزودتارى «ۇساق تۇرمىستىق ماسەلەلەردى» جەڭىل، ءارى كۇلكىمەن قابىلداۋعا مۇمكىندىك بەرەدى.
«جاڭا قونىس» حيكاياسىنىڭ قويۋشى- رەجيسسەرى جەڭىسحان مومىشەۆ، پروديۋسەرى - داستان قالدىبايەۆ. بۇل شىعارماشىلىق توپتىڭ ەنشىسىندە «تويباستار»، «تۇنگى ستۋديا» («قازاقستان»)، «شاتاقحانا» («حابار» )، « قىزىقستان» («ەلارنا» )، «ءازىل- ستۋديو»، «قازاقشا كونسەرت»، «ريزامىن» («31 كانال» ) جانە تاعى باسقا جوبالار بار.
سونداي- اق، اكتەرلەردىڭ دە جۇلدىزدى قۇراماسىن اتاپ وتكەن ءجون: قۋاندىق شاكىرجانوۆ، باقىت الىپبايەۆا، جۇلدىز ماحانوۆا، نۇرسۇلتان جاقسىگەنوۆ، داستان قالدىبايەۆ جانە ساياگۇل ورازعاليەۆا.
«10 -قازان كۇنى «قازاقستان» تەلەارناسىندا جاڭا كومەديالىق تەلەحيكايانى وتكىزىپ الماڭىزدار! كوتەرىڭكى كوڭىل- كۇيدى ءار سەنبى كۇنى ساعات 14.35-تە سىيلايتىن بولامىز!»، - دەلىنگەن حابارلامادا.
